fbpx
Föstudagur 07.febrúar 2025
Fréttir

Auglýsingar 20Bet að gera Íslendinga sturlaða – „Ég er við það að hætta alveg að horfa á YouTube“

Kristinn H. Guðnason
Fimmtudaginn 16. janúar 2025 17:00

Margir netverjar eru að verða gráhærðir út af auglýsingunum sem hafa dunið á þeim á Youtube. Skjáskot/Youtube

Ekki missa af Helstu tíðindum dagsins í pósthólfið þitt

Lesa nánar

Flóð auglýsinga frá veðmálasíðu sem kallast 20Bet hefur varla farið fram hjá íslenskum notendum myndbandsstreymissíðunnar Youtube. Auglýsingarnar eru langar, sjónrænt áreiti mikið og bjagaður íslenskur texti lesinn upp af gervigreindarrödd. Eru margir netverjar byrjaðir að kalla eftir því að auglýsingarnar verði tilkynntar, enda sé starfsemin ólögleg á Íslandi.

„Þessar auglýsingar frá 20Bet, eins og margir hér vita, eru bæði pirrandi og ólöglegar. Ég er að vonast til þess að ef þeim er drekkt í kvörtunum hætti YouTube loksins að birta þær,“ segir netverji á samfélagsmiðlinum Reddit, önugur út í auglýsingar veðmálasíðunnar. „Ég er að vonast til þess að ef þeim er drekkt í kvörtunum hætti YouTube loksins að birta þær.“

Bendir hann fólki á að fara inn á auglýsingarnar, velja „tilkynna“, síðan „lagalegt málefni“, svo „annað lagalegt málefni“ og vísa þar í íslensk hegningarlög. Það er 183. greinina þar sem segir að sá sem geri sér fjárhættuspil eða veðmál að atvinnu eða það að koma öðrum til þátttöku í þeim skuli sæta sektum eða fangelsi allt að einu ári.

Ræðst á öll skilningarvit

„Gakktu til liðs við okkur í dag og fáðu allt að 220 uró og 170 frísnúnings“, „Þetta er okkar epíski móttökubónus“, „Biddu um velkomandabónusinn“, „Lukkuhrinan þín hefst hér“ og „Finndu okkur á netinu“ eru á meðal þeirra frasa sem dynja á notendum Youtube undir áreiti tónlistar, hljóða og skærra lita. Auk þess að ráðast á öll skilningarvitin bjaga auglýsingarnar tungumálið á hálf fyndinn hátt. En eftir tíunda skiptið dofnar húmorinn, hvað þá hundraðasta.

„Ég er orðinn svo þreyttur á þessum auglýsingum að ég er við það að hætta alveg að horfa á YouTube,“ segir einn netverji í athugasemdum.

Færslan hefur fengið mikil viðbrögð og hefur fólk mismikla trú á að það virki að tilkynna auglýsingarnar. Einn nefnir að Youtube sé sama hvað það sé að auglýsa svo lengi sem peningarnir streymi inn. Annar nefnir að veðmálafyrirtækið komist fram hjá bönnum með því að vera með margar útgáfur af fyrirtækinu. Flestir virðast sammála um það að auglýsingarnar séu til óþurftar.

Fjármagn streymir úr landi

Einn nefnir hins vegar að ef nógu margir tilkynni þá sé hægt að losna við þær. Það er að þær verði „shitlistaðar“. Það hafi hann séð gerast í nokkur skipti. Hann segir að það sé vandamál hversu margir krakkar verði háðir spilavítisleikjum og eyði í þetta háum fjárhæðum, fjárhæðum sem streymi úr landi.

„Auðvitað ættum við að hafa líka samband við lögguna eða dómsmálaráðuneytið út af þessu og láta þau láta yt [Youtube] shitlista þessar auglýsingar, en þangað til þá verðum við að taka þessar 1-2 mínútur í það,“ segir hann. Að minnsta kosti þurfa 20Bet þá að hafa fyrir því að láta gera nýjar auglýsingar.

Auglýsandinn virði íslenska löggjöf

Annar nefnir að það sé þjóðhagslegur ávinningur í því að íslenska ríkið tæki almennilega á þessu, gera málið að milliríkjadeilu, snúa upp á hendur auglýsandans um að virða íslenska auglýsingalöggjöf þegar komi að auglýsingum sem beint sé að íslenskum þegnum.

„Ég hugsa að eina leiðin til að Youtube vilji gera nokkuð í þessu sé ef þau standa frammi fyrir einhvers konar hegningu, hvort sem það er bad press [neikvæð umfjöllun] á öðrum samfélagsmiðlun eða fréttamiðlum, þrýstingur frá íslenskum stjórnvöldum (ef það svo sem breytir einhverju) eða jafnvel lögsókn. Ef þau eru að rannsaka sig sjálf þá finna þau auðvitað ekkert að,“ segir enn annar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 11 klukkutímum

Ævintýralega löng flugferð frá Tenerife til Akureyrar: Enduðu í Glasgow eftir átta tíma flug – Mikið klappað þegar vélin loksins lenti

Ævintýralega löng flugferð frá Tenerife til Akureyrar: Enduðu í Glasgow eftir átta tíma flug – Mikið klappað þegar vélin loksins lenti
Fréttir
Fyrir 12 klukkutímum

Elín: „Ég er þreytt á að finnast ég þurfa að réttlæta og verja starfið mitt”

Elín: „Ég er þreytt á að finnast ég þurfa að réttlæta og verja starfið mitt”
Fréttir
Í gær

Svona er Donald Trump sagður ætla að stöðva stríðið í Úkraínu

Svona er Donald Trump sagður ætla að stöðva stríðið í Úkraínu
Fréttir
Í gær

Staðfesta átta ára fangelsis­vist yfir Mohamad

Staðfesta átta ára fangelsis­vist yfir Mohamad
Fréttir
Í gær

Jón Gnarr fær þingsæti þrátt fyrir skilorðsbundinn dóm – Tvíhöfði truflaði Alþingi með gríninnslagi

Jón Gnarr fær þingsæti þrátt fyrir skilorðsbundinn dóm – Tvíhöfði truflaði Alþingi með gríninnslagi
Fréttir
Í gær

Árásin í Svíþjóð: „Þið ættuð að yfirgefa Evrópu“ – Sýrlendingar meðal þeirra sem létust

Árásin í Svíþjóð: „Þið ættuð að yfirgefa Evrópu“ – Sýrlendingar meðal þeirra sem létust
Fréttir
Fyrir 2 dögum

Vendingar í rannsókn dularfyllsta morðmáls Evrópu – Böndin beinast að tæpum svissneskum sérsveitarmanni

Vendingar í rannsókn dularfyllsta morðmáls Evrópu – Böndin beinast að tæpum svissneskum sérsveitarmanni
Fréttir
Fyrir 2 dögum

Brynjar Karl birtir myndband sér til varnar – „I rest my case, your honor!“

Brynjar Karl birtir myndband sér til varnar – „I rest my case, your honor!“