„Þetta er hreinn og klár viðbjóður. Við erum með eins vanhæfa ríkisstjórn og mögulegt er. Ríkisstjórn sem hendir inn handklæðinu þegar þjóðin þarfnast hennar mest og lætur sér standa á sama þótt fjölskyldurnar missi heimili sín enn eina ferðina með því að vera rændar um hábjatan dag í þeirra umboði,“ skrifar Inga Sæland formaður Flokks fólksins.
Inga deilir á Facebook færslu Þórðar Óldal Sigurjónssonar. Þórður birtir mynd af greiðsluseðli húsnæðisláns með orðunum: „Íslenskur veruleiki hjá ungri fjölskyldu. Mín bestu ráð til ungs fólks á Íslandi er að kjósa með fótunum, yfirgefa þetta sker. Það getur enginn búið við svona brjálæði til lengdar.“
Eins og sjá má á greiðsluseðlinum er um að ræða 26 greiðslu af 480 af láni tengdu hjá Landsbankanum. Afborgum á nafnverði er 10.426 krónur, tilkynningar- og greiðslugjald 520 krónur og vextir 489.555 krónur!
Færsla Þórðar hefur farið víða um samfélagsmiðla í dag en 249 hafa deilt færslunni. Blöskrar mönnum greiðsluseðillinn.
„Ef reikningurinn hér að neðan sýnir ekki okur og arðrán af verstu sort þá veit ég ekki hvernig slíkt lítur út. Þetta unga fólk er að greiða 10 þúsund krónur af láninu sjálfu en 489.222 krónur í vexti. Þetta er semsagt fyrir einn mánuð. Það ætti að handtaka alla þessa arðræningja og stinga þeim í steininn því þar eiga þeir heima. Þetta er GLÆPUR gegn samfélaginu í heild sinni,“ segir Inga.
