fbpx
Laugardagur 01.október 2022
Fréttir

Mikilvæg rússnesk herdeild beið afhroð í Kharkiv

Kristján Kristjánsson
Miðvikudaginn 14. september 2022 06:45

Skriðdreki sem Rússar skildu eftir í Izyum um helgina. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Rússneski herinn hefur beðið marga ósigra að undanförnu í Úkraínu og hefur hörfað frá Kharkiv. Hafa Úkraínumenn náð mörg þúsund ferkílómetrum lands úr höndum Rússa. Þeir hafa náð fjölda þorpa, bæja og borga á sitt vald og valdið Rússum miklu tjóni.

Skyndisókn Úkraínumanna í Kharkiv gekk framar öllum vonum og í Kharkiv fékk 1. skriðdrekaherdeild rússneska hersins að finna fyrir Úkraínumönnum. Þetta er úrvalsherdeild sem hefur meðal annars haft það hlutverk að eiga að verja Moskvu ef til innrásar í Rússland kæmi.

Breska varnarmálaráðuneytið segir að herdeildin sé svo illa leikin að það geti tekið mörg ár að endurbyggja hana.

Jótlandspósturinn hefur eftir Claus Mahtiesen, hernaðarsérfræðingi hjá danska varnarmálaskólanum, að rússneski herinn sé byggður upp á 12 herdeildum. 1. skriðdrekaherdeildin sé sú virtasta af þeim öllum. Hún sé öflugust, sé með bestu vopnin og sé þess vegna sú herdeild sem sé sýnd á hersýningum.

Hann sagði að herdeildin hafi átt í vandræðum og hafi orðið fyrir miklu mannfalli síðan í maí. „Þeir voru því greinilega best til þess fallnir að taka þátt í hersýningum,“ sagði Mathiesen.

Samkvæmt upplýsingum sem bárust í gær þá sækja Úkraínumenn enn fram í Kharkiv og einnig í Kherson, þar sækja úkraínskar hersveitir lengra inn á svæði sem Rússar hafa á sínu valdi.

Talskona úkraínska hersins sagði að tekist hefði að endurheimta um 500 ferkílómetra lands í Kherson úr höndum Rússa. Rússar hafa ekki staðfest þetta.

Mathiesen sagði að þróun stríðsins á síðustu dögum sé „ansi skýr“. „Leyfið mér að segja þetta svona. Það er ekki þannig að Úkraína hafi sigrað í stríðinu, en Úkraínumenn eru á góðri leið með að tryggja að Rússland sigri ekki,“ sagði hann.

Hann sagðist telja að hrakfarir 1. skriðdrekaherdeildarinnar geti haft áhrif á aðrar herdeildir rússneska hersins. Það geti haft mikil áhrif á móralinn þegar „stóru strákarnir“ séu rassskelltir og aðrir hermenn eigi að halda til orustu vitandi það.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Gjaldþrota dyrasímar

Nýlegt

Fréttir
Í gær

Baráttuandi rússneskra hermanna sagður fara dvínandi

Baráttuandi rússneskra hermanna sagður fara dvínandi
Fréttir
Í gær

Lyfjaskortur á heimsvísu og ekki hjálpar til hvað íslenski markaðurinn er lítill

Lyfjaskortur á heimsvísu og ekki hjálpar til hvað íslenski markaðurinn er lítill
Fréttir
Í gær

„Ég neitaði aldrei að vera með grímu“

„Ég neitaði aldrei að vera með grímu“
Fréttir
Í gær

„Við vissar aðstæður sýnir Mogginn alltaf sitt rétta andlit“

„Við vissar aðstæður sýnir Mogginn alltaf sitt rétta andlit“