fbpx
Laugardagur 01.október 2022
Fréttir

Rússar flúðu með skottið á milli lappanna – Skildu tugi ökutækja eftir

Kristján Kristjánsson
Þriðjudaginn 13. september 2022 05:49

Hluti af þeim hergögnum sem Rússar skildu eftir í Kharkiv. Mynd:Twitter

Ekki missa af Helstu tíðindum dagsins í pósthólfið þitt

Lesa nánar

Þegar úkraínski herinn braust í gegnum varnarlínur Rússa í austurhluta landsins lá rússneskum hermönnum mikið á að flýja, svo mikið að þeir skildu mikið magn vopna og skotfæra eftir. Eða eins og úkraínski herinn sagði í hæðnislegri færslu á Twitter: „Rússneski herinn er orðinn stærsti vopnabirgir okkar“.

Á myndum sem hafa birst frá austurhluta landsins má sjá mikið af hergögnum, meðal annars skriðdreka, brynvarin ökutæki og brynvarðar sjálfstýrðar stórskotaliðsbyssur. Þetta skildu Rússar eftir við borgina Izyum.

Flest bendir til að rússnesku hermennirnir hafi lagt á flótta í miklum flýti og hafi ekki getað skipulagt flóttann segir bandaríska hugveitan Institute for the Study of War.

Washington Post hefur eftir sjónarvottum í bænum Zaliznychne, sem er norðan við Izyum, að Rússarnir hafi flúið í örvæntingu. „Þeir hentu bara rifflunum sínum frá sér,“ sagði Olena Matvienko.

Hún sagði að helmingur rússnesku hermannanna hafi flúið í ökutækjum sínum ekki hafi verið pláss fyrir alla svo helmingurinn hafi verið skilinn eftir.

„Þeir komu inn í húsin okkar til að ná sér í fatnað svo drónarnir gætu ekki séð einkennisfatnaðinn þeirra. Þeir stálu reiðhjólunum okkar. Tveir af þeim beindu byssum að fyrrum eiginmanni mínum þar til hann lét þá fá bíllyklana,“ sagði Matvienko einnig.

Nataliya Humeniuk, talskona úkraínska hersins, sagði í samtali við Kyiv Post að margir rússneskir hermenn vilji gefast upp. Þeir reyna að komast í samband við úkraínskar hersveitir til að semja um uppgjöf og afhendingu vopna í samræmi við alþjóðalög sagði hún.

Í Izyum létu Rússarnir ekki nægja að henda rifflum sínum frá sér, á fyrstu myndunum frá bænum sást að þeir höfðu meðal annars skilið  þrjár sjálfstýrðar stórskotaliðsfallbyssur, níu T-80 skriðdreka, jarðsprengjueyðingarökutæki, dráttarbíl og fjarskiptabíl eftir. Síðan komu fleiri myndir sem sýndu einn skriðdreka til viðbótar og fjögur brynvarin ökutæki.

En þar með er sagan ekki öll sögð því nokkrum klukkustundum síðar birtust fleiri myndir sem sýndu að Úkraínumenn höfðu fundið sextán brynvarin ökutæki, þrjá skriðdreka, fjóra vörubíla, fjórar sjálfstýrðar stórskotaliðsbyssur, eina flugskeytabyssu og einn vörubíl fullan af eldsneyti.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Lyfjaskortur á heimsvísu og ekki hjálpar til hvað íslenski markaðurinn er lítill

Lyfjaskortur á heimsvísu og ekki hjálpar til hvað íslenski markaðurinn er lítill
Fréttir
Fyrir 23 klukkutímum

Segir mjög mikla hættu á að Rússar beiti kjarnorkuvopnum

Segir mjög mikla hættu á að Rússar beiti kjarnorkuvopnum
Fréttir
Í gær

Öryggisráðið greiðir atkvæði um atkvæðagreiðslurnar um innlimun úkraínskra landsvæða í Rússland – Rússar með neitunarvald

Öryggisráðið greiðir atkvæði um atkvæðagreiðslurnar um innlimun úkraínskra landsvæða í Rússland – Rússar með neitunarvald
Fréttir
Í gær

Herkvaðningin gerir göt á frásögn Pútíns – Víðsfjarri því að um sameinað Rússland sé að ræða

Herkvaðningin gerir göt á frásögn Pútíns – Víðsfjarri því að um sameinað Rússland sé að ræða
Fréttir
Í gær

Faðir Sigríðar Bjarkar tengist rannsókn hryðjuverkamálsins

Faðir Sigríðar Bjarkar tengist rannsókn hryðjuverkamálsins
Fréttir
Í gær

„Árni Heimir Ingólfsson braut á mér kynferðislega á heimili sínu þegar ég var nemandi hans í Listaháskóla Íslands. Ég var 17 ára, hann var 35 ára.“

„Árni Heimir Ingólfsson braut á mér kynferðislega á heimili sínu þegar ég var nemandi hans í Listaháskóla Íslands. Ég var 17 ára, hann var 35 ára.“
Fréttir
Í gær

„Við vissar aðstæður sýnir Mogginn alltaf sitt rétta andlit“

„Við vissar aðstæður sýnir Mogginn alltaf sitt rétta andlit“
Fréttir
Í gær

Herða öryggisráðstafanir við sænsk kjarnorkuver

Herða öryggisráðstafanir við sænsk kjarnorkuver