fbpx
Sunnudagur 28.nóvember 2021
Fréttir

Kári segir bólusetningu vera réttlætanlega skyldu – „Drullusokksháttur að láta ekki bólusetja sig“

Kristján Kristjánsson
Mánudaginn 22. nóvember 2021 07:59

Kári Stefánsson. Mynd: Valli

Ekki missa af Helstu tíðindum dagsins í pósthólfið þitt

Lesa nánar

Kári Stefánsson, forstjóri Íslenskrar erfðagreiningar, segist hissa á að ekki sé enn búið að fjölga gjörgæslurýmum á Landspítalanum og segir það vera sína persónulegu skoðun að það sé drullusokksháttur að láta ekki bólusetja sig.

Þetta kemur fram í viðtali við hann á visir.is. Sagðist Kári ósáttur við að hversu langan tíma það hefur tekið að bæta við gjörgæslurýmum eins og boðað hefur verið. Nú sé búið að glíma við heimsfaraldurinn í tæplega tvö ár og enn hafi gjörgæslurýmum ekki verið fjölgað. „Það er ekki nóg að sitja á rökstólum og ræða þetta. Þetta er spurning um að bretta upp ermarnar og gera þetta, það er ekki flókið,” sagði Kári.

Hann sagðist ekki vorkenna starfsfólki Landspítalans. Það hljóti að vera að fara í gegnum nokkuð góða tíma í sínu lífi því skyndilega viti allir að samfélagið gangi ekki án þeirra. Það séu forréttindi að tilheyra þeirri stétt sem sé að bjarga okkur í gegnum faraldurinn.

Hvað varðar þær sóttvarnaaðgerðir sem nú eru í gildi sagðist Kári efast um að þær dugi til. „Við vitum hins vegar hvað þarf, við fórum í gegnum það á síðasta ári. Eitt af því sem ég held að menn verði að velta fyrir sér alvarlega, er hvort við eigum ekki að fara niður í þessar stífustu takmarkanir sem voru á síðasta ári í örskamman tíma, tvær vikur eða svo. Svo getum við létt á þeim en gert kröfu um að allir séu með sóttvarnagrímur,“ sagði hann.

Aðspurður um hvort skylda eigi fólk í bólusetningu sagði Kári að hann telji ríkari ástæðu en áður til að íhuga þessa spurningu en samkvæmt nýjum rannsóknum þá getur bólusetning með þremur skömmtum hugsanlega komið að verulegu leyti í veg fyrir smit en ekki bara alvarleg veikindi eins og er raunin eftir tvo skammta. „Mér finnst persónulega eins og það sé drullusokksháttur að láta ekki bólusetja sig. Ekki vegna hagsmuna okkar sem einstaklinga heldur vegna hagsmuna samfélagsins. Ég myndi ekki gráta það ef þess yrði krafist af fólki að það færi í bólusetningu. Ég veit að það er fullt af fólki þarna úti sem fyndist það mikill fasismi og ljótt að krefjast þess að fara í bólusetningu,” sagði hann og bætti við að hann haldi því fram að bólusetning sé réttlætanleg skylda.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Eigandi fiskverkunar á Suðurnesjum þarf að svara fyrir meint skattsvik

Eigandi fiskverkunar á Suðurnesjum þarf að svara fyrir meint skattsvik
Fréttir
Í gær

Jón styður þolendur á Hjalteyri og segir fallega sögu frá öðrum stað – „Get ekki lýst því hvað ég er þakklátur í dag“

Jón styður þolendur á Hjalteyri og segir fallega sögu frá öðrum stað – „Get ekki lýst því hvað ég er þakklátur í dag“
Fréttir
Fyrir 2 dögum

Margrét trúði Halldóru fyrir ofbeldinu sem hún mátti þola á Hjalteyri – „Hennar heitasta ósk var að koma þessu upp á yfirborðið“

Margrét trúði Halldóru fyrir ofbeldinu sem hún mátti þola á Hjalteyri – „Hennar heitasta ósk var að koma þessu upp á yfirborðið“
Fréttir
Fyrir 2 dögum

Orðið á götunni: Mexíkóreisa Dags borgarstjóra veldur titringi – Heiða Björg sögð sniðgengin

Orðið á götunni: Mexíkóreisa Dags borgarstjóra veldur titringi – Heiða Björg sögð sniðgengin
Fréttir
Fyrir 2 dögum

Konan sem varð fyrir bíl í morgun er látin

Konan sem varð fyrir bíl í morgun er látin
Fréttir
Fyrir 2 dögum

Hlustaðu á eldræðu stjórnarformanns HHÍ – „Eigum við ekki að banna fólki að fá sér í glas? – „Get real!

Hlustaðu á eldræðu stjórnarformanns HHÍ – „Eigum við ekki að banna fólki að fá sér í glas? – „Get real!