Þetta er mat Anders Puck Nielsen, hernaðarsérfræðings við danska varnarmálaskólann. Í samtali við Danska ríkisútvarpið sagðist hann efast um Rússar geti komist hjá því að efna til annarrar herkvaðningar.
Hann sagði að Rússar verði fyrir miklu mannfalli núna og einnig berist margar fréttir af agavandamálum meðal þeirra sem voru kvaddir í herinn.
Í lok september tilkynnti Pútín um herkvaðningu 300.000 manna og mánuði síðar sagði hann að henni væri lokið.
Allt frá því að hann tilkynnti um herkvaðninguna hafa mörg myndbönd verið birt á Internetinu af herkvöddum mönnum sem neita að berjast. Þeir kvarta til dæmis yfir því að þá vanti vopn, mat, þjálfun og undan yfirmönnum sínum.
Nielsen sagði að margt bendi til að Rússar eigi í erfiðleikum með að gera herkvöddu mennina að hermönnum sem gagn er að. Það megi þó ekki vanmeta áhrif herkvaðningarinnar. Sókn Úkraínumanna gangi ekki eins hratt og áður en gripið var til herkvaðningarinnar svo hún hafi að minnsta kosti um stundarsakir verið innspýting fyrir Rússa.
Margir óháðir rússneskir fjölmiðlar hafa flutt fréttir af því að herkvaddir menn hafi yfirgefið víglínunnar eða neitað að berjast. Eru þeir sagðir vera lokaðir inni í kjöllurum og öðrum bráðabirgðafangelsum í Donetsk og Luhansk.
