Wayne Rooney segir stuðningsmenn Arsenal þurfa að standa betur við bakið á liðinu í titilbaráttunni.

Arsenal tapaði 2-1 fyrir Manchester City í gær og er liðið búið að eiga afleitar vikur undanfarið. Titilbaráttan er komin í háaloft, en City er aðeins þremur stigum á eftir Arsenal og á leik til góða.

Stuðningsmenn eru margir pirraðir og var liðið til að mynda baulað af velli gegn Bournemouth á dögunum, hvar liðið tapaði 1-2. Rooney segir slíkt geta haft neikvæð áhrif á leikmenn.

„Aðdáendurnir þurfa að vera betri. Liðið hefur verið frábært allt tímabilið og lendir svo í smá lægð. Stuðningur skiptir gríðarlegu máli,“ sagði hann.

Hann benti enn fremur á að leikmenn leggi mikið á sig og að neikvæðni geti slegið þá út af laginu á mikilvægum tímapunkti.

„Ef Arsenal ætlar að vinna deildina þurfa stuðningsmennirnir að spila sitt hlutverk í því.“