Hann er mjög virkur á samfélagsmiðlinum Telegram þessa dagana og birtir margar færslur daglega þar sem hann segir hversu illa sókn Úkraínumanna gangi. „Zelenskyy verður fljótlega, eins og Hitler, rifinn út og tættur í sundur af „vopnabræðrum“ sínum og félögum. Allt verður gott og allt verður Rússland,“ skrifaði hann í einni færslu.
En leppar Rússar eru greinilega farnir að vinna fjarvinnu því hann virðist hafa gleymt sér þegar hann birti myndbönd á Telegram. Í bakgrunni þeirra má sjá að hann hefur yfirgefið Kherson og dvelur nú á lúxushóteli í rússnesku borginni Voronezh sem er um 700 km frá Kherson. Hefur héraðsstjórinn hugrakki því líklega talið best að forða sér undan vonlausri sókn Úkraínumanna og vera í öryggi á lúxushóteli í Rússlandi.
Það var úkraínski aðgerðasinninn Sehii Sterenki sem fyrstur áttaði sig á mistökum Stemousov á myndböndum hans og í kjölfarið fylgdu fleiri aðilar sem fóru að rýna í myndböndin. BBC bættist síðan í hópinn og telja sérfræðingar miðilsins sig geta staðsett Stemousov út frá þeim byggingum sem sjást fyrir aftan hann á upptökunum og á innréttingunni á hótelherberginu.
#NewsMap
"Kherson will never again be under the control of the Nazis", the Russian puppet "deputy governor for Kherson" Kirill Stremousov claimed this morning.He is so certain of a Russian victory, he precautionarily recorded his message in Voronezh's Marriott hotel, Russia. pic.twitter.com/q2PsZJcYbU
— Julian Röpcke🇺🇦 (@JulianRoepcke) August 30, 2022
„Þakkir til varnarmálaráðuneytis Rússlands og persónulegar þakkir til Vladímír Pútíns fyrir réttláta og bjarta framtíð okkar sem er óumflýjanleg. Allt verður gott og allt verður Rússland,“ segir Stemousov í nýjasta myndbandi sínu með turnana á hinni frægu dómkirkju í Voronezh í bakgrunni.
Ekki er vitað hversu lengi hann hefur verið í Voronezh eða af hverju en fjarvera hans frá Kherson kemur upp á sama tíma og löngu boðuð gagnsókn Úkraínumanna hófst.
