Vonast er til að kortið geti varpað nýju ljósi á hvernig Vetrarbrautin starfar. Sólkerfið okkar er í Vetrarbrautinni, eitt af gríðarlegum fjölda sólkerfa sem mynda hana.
Kortið hjálpar stjörnufræðingum að mæla útþenslu Vetrarbrautarinnar og jafnvel reikna út hversu mikið alheimurinn hefur þanist út frá upphafi tímans.
ESA kynnti kortið með því að birta myndband á YouTube þar sem stjörnurnar í Vetrarbrautinni sjást hreyfast í framtíðinni.
New York Post segir að annar hópur vísindamanna hafi nýlega kynnt annað kort af Vetrarbrautinni sem sýni að jörðin er nær svartholi í miðju hennar en áður hefur verið talið. Í miðju Vetrarbrautarinnar er risastórt svarthol sem kallast „Sagittarius A“.
Það eru vísindamenn hjá japönsku stjörnuathugunarmiðstöðinni sem kynntu fyrrgreinda niðurstöðu sína um nálægð jarðarinnar við svartholið. Þeir gerðu kort af Vetrarbrautinni og byggja það á gögnum sem var safnað á 15 ára tímabili.
1985 var talið að jörðin væri í 27.000 ljósára fjarlægð frá svartholinu en japönsku vísindamennirnir telja að fjarlægðin sé 25.800 ljósár.
