Ökumaður á brúnum Ford Focus missti stjórn á bílnum á gatnamótum Grensásvegar og Hæðargarð um tíuleytið í morgun með þeim afleiðingum að samtals fjórir bílar skemmdust mikið. Lögregla, sjúkrabílar og tveir slökkviliðsbílar voru á vettvangi sem og dráttarbíll frá Króki. Lögregla getur ekki veitt nánari upplýsingar um atburðinn að svo stöddu. DV náði í eiganda bílsins sem virðist ekki hafa ekið honum. Eigandinn vildi ekki tjá sig um atburðinn við fjölmiðla.
Ljósmyndari DV var á vettvangi með blaðamanni fyrir tilviljun og tók myndir.
