Smáratívolí í Smáralind lokar í febrúar á næsta ári eftir átta ár í rekstir og gerðar verða breytingar á húsnæðinu í kjölfarið. Þetta kemur fram í tilkynningu frá rekstraraðilum.
Smárabíó mun taka yfir hluta af húsnæðinu og bjóða upp á barnagæslu ásamt þjónustu fyrir hópa.
„Sleggjan og klessubílarnir fara á næstu vikum. Nýjar myndir eru komnar í 7D bíóið og börnum hærri en 110 cm gefst kostur á að róla í sleggjunni þar til hún fer,“ segir í tilkynningunni.
Eigendur inneignarkorta geta notað kortin frá 1. mars í þeim leiktækjum sem Smárabíó mun reka á efri hæð.
