Lögreglunni á Suðurlandi barst tilkynning um fjögurleytið í dag að maður hefði fallið í Ölfusá.
Kemur þetta fram í tilkynningu frá lögreglunni. Segir að kallaðar hafi verið út björgunarsveitir og þyrla Landhelgisgæslunnar. Þyrlan var á æfingaflugi skammt frá og var fljót á vettvang. Áhöfn þyrlunnar fann manninn í ánni og var hann fluttur á slysadeild. Ekki er vitað um ástand mannsins.
