Hópur reiðra kúa réðist á breska konu með þeim afleiðingum að fimmtán rifbein brotnuðu, hún viðbeinsbrotnaði einnig, gat kom á lunga og er illa tognuð á ökkla auk fjölda minni meiðsla. 

Um 20 kýr stóðu að árásinni sem stóð í um fimm mínútur eða þar til gönguhópur kom að og náði að dreifa athygli kúnna frá Sharon. 

Hin 51 árs gamla Sharon Eley var í fjögurra daga göngu ásamt vinkonu sinni og hundi um sveitir Lancashire í maí þessa árs þegar að kýrnar réðust á hana. Sharon segist hafa séð kú hlaupa í átt að henni og hafi hjörðin fljótlega elt hina reiðu forystukú. Þegar hún sá kýrnar nálgast stóð Sharon grafkyrr til að virðast á engan hátt ógnvekjandi en það dugði ekki til.

Kýrnar skelltu henni í jörðina, skölluðu hana ítrekað og trömpuðu á henni.Sharon var einnig næstum köfnuð þar sem ól tösku sem hún var með flæktist um háls hennar. Vinkona hennar reyndi árangurslaust að koma til hjálpar en gat lítið gert gegn 20 reiðum kúm. Reiðin virðist einvörðungu hafa beins að Sharon því kýrnar réðust ekki á vinkonu hennar. 

Varar við kúm

Sharon var í heilan mánuð á sjúkrahúsi og þurfti að gangast undir tvær skurðaðgerðir. Hún segist þakka fyrir að vera yfirleitt á lífi. Fjórum mánuðum eftir árásina er Sharon ekki búin að jafna sig er telja læknar hennar að það muni taka marga mánuði til viðbótar.

Sharon er þrautreynd göngukona til áratuga en segist aldrei hafa dottið í hug að slíkt gæti komið fyrir.

Í viðtali við breska fjölmiðla segir Sharon að kýr séu mun hættulegri en margir telji og hvetur göngufólk að vera á varðbergi gagnvart þeim.

Forystubeljan brjáluð

Eina kýrin sem hópnum tókst ekki að fá til að hætta árásinni var forystukýrin. Sharon tókst að komast á fætur og jafnvel gekk að kúnni í þeirri von að virðast henni ógn, eins og alþekkt er í dýraríkinu. Það gekk upp og sneri hin reiða kú loks við til hjarðarinnar.

Sharon segist aldrei hafa upplifa aðra eins skelfingu og skilur ekkert í hvað gæti hafa valdið reiði kúnna. Hún segir hund sinn hafa verið í taumi og hvorki gelt á kýrnar né yfirleitt sýnt þeim áhuga. Hún hefur verið spurðu að því hvort hún hafi verið klætt í rautt, enda trúa margir að sá litur veki reiði kúa, samanber nautöt. Það er hinsvegar misskilngur þar sem kýr skynja aðeins tvo liti, bláan og gulan. 

Er það hér með leiðrétt.