Það getur verið freistandi að sofa með kveikt á viftu þegar heitt er en það er ekki góð hugmynd.

Að sögn sérfræðinga sem Ladbible ræddi við þá er tvennt sem mælir á móti því að viftur séu látnar snúast að næturlagi.

Sú fyrri er að viftur nota töluvert mikið rafmagn og það er alveg óþarfi að láta þær hækka rafmagnsreikninginn.

En síðari ástæðan er mikilvægari því hún getur haft áhrif á heilsufar og velferð fólks. Viftur þurrka loftið og þótt það sé ekki lífshættulegt þá getur það haft margvísleg óþægindi í för með sér, til dæmis þurra húð og höfuðverk.

Sleep Advisor segir að viftur geti gert vöðva auma því kalt loft veldur krömpum í líkamana og spennir þá á meðan sofið er.

Viftur hafa auðvitað þann kost að þær geta bætt nætursvefninn með því að draga úr hitakófinu í svefnherberginu en sérfræðingar mæla samt sem áður með því að slökkt sé á þeim á nóttunni, sérstaklega ef fólk er með ofnæmi eða astma eða þurra húð, þurr augu eða höfuðverk.

Þú deyrð sem sagt ekki af því að láta viftuna ganga að næturlagi en það getur haft fleiri neikvæð áhrif en jákvæð og því er skynsamlegt að velta fyrir sér hvort það er þess virði að láta hana ganga.