fbpx
Þriðjudagur 22.júní 2021
Pressan

Joe Biden kominn til Bretlands – Fyrsta utanlandsferð hans eftir embættistökuna

Kristján Kristjánsson
Fimmtudaginn 10. júní 2021 06:59

Forsetahjónin ganga frá borði í gærkvöldi. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Joe Biden, Bandaríkjaforseti, kom til Bretlands í gærkvöldi en þá lenti Air Force One, flugvél forsetaembættisins, á herflugvellinum Mildenhall í Suffolk. Þetta er fyrsta utanlandsferð Biden eftir að hann tók við embætti forseta en hann mun heimsækja nokkur Evrópuríki.

Fjölmargir starfsmenn bandaríska flughersins og fjölskyldur þeirra biðu forsetans í flugskýli þar sem hann ávarpaði fólki. „Við munum á öllum stigum gera það ljóst að Bandaríkin eru mætt til leiks á nýjan leik og að lýðræðisríki heimsins standa saman gegn erfiðustu áskorununum og málunum sem skipta mestu fyrir framtíð okkar,“ sagði Biden og bætti við að Bretland og Bandaríkin, sem væru stofnaðilar NATO, væru hluti af „sterkasta hernaðar- og stjórnmálabandalagi mannkynssögunnar“.

„Nú verðum við að nútímavæða bandalagið okkar, fjárfesta í mikilvægum innviðum, getu okkar á netinu og tryggja öryggi okkar gagnvart sérhverri ógn sem við höfum staðið frammi fyrir síðasta áratuginn og nýjum áskorunum sem bíða okkar,“ sagði hann einnig.

Biden mun eiga fund með Boris Johnson, forsætisráðherra Bretlands, í dag en á morgun hefst fundur G7-ríkjanna í Carbis Bay. Auk Biden verða þar stjórnmálaleiðtogar frá Kanada, Japan, Frakklandi, Þýskalandi og Ítalíu.

Biden og eiginkona hans, Jill Biden, munu heimsækja Elísabetu II drottningu í Windsor kastala áður en þau halda til Belgíu þar sem forsetinn mun hitta leiðtoga NATO og síðan Vladímír Pútín, Rússlandsforseta, í Sviss.

Varðandi fundinn með Pútín sagði Biden að Bandaríkin væru ekki að leita eftir deildum og átökum við Rússa en muni bregðast við af festu ef Rússar standi fyrir skaðlegum aðgerðum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Nú beinast spjótin að henni – Veit „Leðurblökukonan“ eitthvað um uppruna kórónuveirunnar?

Nú beinast spjótin að henni – Veit „Leðurblökukonan“ eitthvað um uppruna kórónuveirunnar?
Pressan
Í gær

Himnahöll Kínverja verður tilbúin til notkunar á næsta ári

Himnahöll Kínverja verður tilbúin til notkunar á næsta ári
Pressan
Fyrir 4 dögum

49 þýskir lögreglumenn afhjúpaðir – Virkir á spjallrásum öfgahægrimanna

49 þýskir lögreglumenn afhjúpaðir – Virkir á spjallrásum öfgahægrimanna
Pressan
Fyrir 4 dögum

Slæmar fréttir af bóluefni CureVac

Slæmar fréttir af bóluefni CureVac
Pressan
Fyrir 4 dögum

Hryllingur í Þýskalandi – Maður myrti fyrrverandi eiginkonu og bróður hennar

Hryllingur í Þýskalandi – Maður myrti fyrrverandi eiginkonu og bróður hennar
Pressan
Fyrir 5 dögum

Líkamsleifar manns sem hvarf árið 2004 fundnar

Líkamsleifar manns sem hvarf árið 2004 fundnar