Samkvæmt fréttum í brasilískum fjölmiðlum lenti Neymar í átökum á æfingu hjá Santos þar sem hann á að hafa slegið og fellt 18 ára liðsfélaga sinn, Robinho Jr., eftir að hafa talið sig sýndan óvirðingu.

Globo greinir frá því að Neymar hafi orðið ósáttur þegar táningurinn, sem er sonur fyrrum brasilíska landsliðsmannsins og leikmanns Real Madrid og Manchester City, Robinho, fór framhjá honum með laglegri gabbhreyfingu á æfingu.

Neymar á þá að hafa sagt við unga leikmanninn að „taka því rólega“, en í kjölfarið blossaði upp rifrildi þeirra á milli. Deilan þróaðist fljótt í ýtingar og samkvæmt fréttum sló Neymar liðsfélaga sinn áður en hann felldi hann einnig með tæklingu.
Í framhaldinu voru báðir leikmenn fjarlægðir af æfingasvæðinu.

Bæði Neymar og Robinho Jr. höfðu verið í æfingahópi varaliðs Santos eftir að hafa verið skildir eftir utan leikmannahóps félagsins fyrir viðureign gegn Palmeiras. Santos undirbýr sig nú fyrir leik gegn paragvæska liðinu Recoleta í Suður-Ameríkukeppninni.

Fulltrúar Robinho Jr. eru sagðir hafa kvartað formlega yfir atvikinu við forseta Santos, sem gæti þurft að taka afstöðu til málsins á næstu dögum.