fbpx
Fimmtudagur 20.janúar 2022
Pressan

Biden vill herða skotvopnalöggjöfina – Vill banna hálfsjálfvirk og sjálfvirk skotvopn

Kristján Kristjánsson
Miðvikudaginn 24. mars 2021 07:00

Það er hægt að koma ýmis vopn í Bandaríkjunum. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Joe Biden, Bandaríkjaforseti, sagði í gær að hann vilji banna fjölda hálfsjálfvirkra og sjálfvirkra skotvopna. Þessi orð lét hann falla í kjölfar fjöldamorðs í Boulder í Colorado þar sem 21 árs maður skaut tíu til bana á mánudaginn. Í síðustu viku voru átta skotnir til bana á þremur nuddstofum í Atlanta í Georgíu og var sami maðurinn að verki á öllum nuddstofunum.

Biden ávarpaði bandarísku þjóðina í gær og sagðist „ekki þurfa að bíða mínútu lengur með að taka skynsamleg skref sem muni bjarga mannslífum í framtíðinni,“ og til að „hvetja félaga mína í fulltrúadeildinni og öldungadeildinni til aðgerða“.

„Þetta er ekki og ætti ekki að vera flokkpólitískt vandamál. Þetta er bandarískt vandamál. Þetta mun bjarga mannslífum. Bandarískum lífum og við verðum að gera eitthvað,“ sagði Biden.

Bandaríkjamenn hafa árum saman heyrt hverja hryllingsfréttina af annarri um fjöldamorð í skólum, næturklúbbum, kvikmyndahúsum, verslunum og víðar. Nú er staðan sú að mikill meirihluti landsmanna vill herða vopnalöggjöfina en Repúblikanar hafa lengi verið á móti breytingum á henni og telja að það brjóti gegn stjórnarskrárvörðum rétti landsmanna til að bera vopn að herða reglurnar.

Fyrr í mánuðinum samþykkti meirihluti Demókrata í fulltrúadeildinni tvö frumvörp sem eiga að styrkja ferlið í tengslum við bakgrunnskönnun á þeim sem vilja kaupa skotvopn. Ekki er talið líklegt að frumvörpin verði samþykkt í öldungadeildinni því til þess að svo fari verða að minnsta kosti níu Repúblikanar að greiða atkvæði með þeim en flokkarnir eru báðir með 50 sæti í deildinni.

Jen Psaki, samskiptastjóri Biden, sagði í gær að stjórn Biden íhugi nú að fara aðrar leiðir til að taka á málum tengdum vopnum og skotárásum. Þar á meðal sé að Biden nýti rétt sinn til að gefa út forsetatilskipanir til að þvinga breytingar í gegn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Morðið á Tinderstefnumótinu – Hélt að hann hefði framið hið fullkomna morð

Morðið á Tinderstefnumótinu – Hélt að hann hefði framið hið fullkomna morð
Pressan
Fyrir 2 dögum

13 ára sonur hennar smitaðist af kórónuveirunni – Það sem hún gerði næst kom henni í mikil vandræði

13 ára sonur hennar smitaðist af kórónuveirunni – Það sem hún gerði næst kom henni í mikil vandræði
Pressan
Fyrir 2 dögum

Fyrsta lestaferðin frá Norður-Kóreu síðan heimsfaraldurinn skall á

Fyrsta lestaferðin frá Norður-Kóreu síðan heimsfaraldurinn skall á
Pressan
Fyrir 3 dögum

Tannlæknirinn var ekki allur þar sem hann var séður – Voðaverkið og lygarnar færðu honum 620 milljónir

Tannlæknirinn var ekki allur þar sem hann var séður – Voðaverkið og lygarnar færðu honum 620 milljónir
Pressan
Fyrir 3 dögum

Flugvélar sendar til að kanna tjónið á Tonga – Aska þekur eyjurnar

Flugvélar sendar til að kanna tjónið á Tonga – Aska þekur eyjurnar
Pressan
Fyrir 3 dögum

Mánaða löng vinna við að stilla fókus James Webb geimsjónaukans er hafin

Mánaða löng vinna við að stilla fókus James Webb geimsjónaukans er hafin
Pressan
Fyrir 3 dögum

Þess vegna áttu að borða grænt epli á fastandi maga

Þess vegna áttu að borða grænt epli á fastandi maga