Phil Foden hefur náð samkomulagi um nýjan fjögurra ára samning við Manchester City.
Samningurinn mun halda Foden hjá félaginu til ársins 2030, með möguleika á framlengingu um eitt ár til viðbótar. Núverandi samningur hans átti að renna út eftir rúmt ár.
Þrátt fyrir að hafa átt erfitt uppdráttar að undanförnu undirstrikar samningurinn að Foden er í áætlunum City.
Foden, sem fékk tækifæri í aðalliði City aðeins 17 ára undir stjórn Pep Guardiola, hefur leikið yfir 350 leiki fyrir félagið og unnið sex Englandsmeistaratitla, sem og Meistaradeildina, svo dæmi séu tekin.
Talið er að óvissa ríki um þátttöku hans á HM með enska landsliðinu í sumar, en hann hefur lengi verið fastamaður fyrir þjóð sína.
