fbpx
Fimmtudagur 08.desember 2022
Pressan

100 vísindamenn vara við afléttingu sóttvarnaaðgerða

Kristján Kristjánsson
Föstudaginn 9. júlí 2021 05:50

Kórónuveira. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Í gær birtist opið bréf frá rúmlega 100 vísindamönnum í hinu virta læknariti The Lancet. Í bréfinu er Boris Johnson, forsætisráðherra Bretlands, harðlega gagnrýndur en vísindamennirnir segja að fyrirætlanir ríkisstjórnar hans um að aflétta nær öllum sóttvarnaaðgerðum í Englandi þann 19. júlí séu ekki skynsamlegar. Alþjóðaheilbrigðismálastofnunin WHO hefur einnig varað bresk stjórnvöld við fyrirætlununum. Vísindamennirnir og WHO hvetja Johnson og stjórn hans því til að endurskoða málið.

Mike Ryan, farsóttafræðingur og yfirmaður hjá WHO, segir að í staðinn fyrir að aflétta nær öllum sóttvarnaaðgerðum á sama tíma eigi að aflétta þeim í áföngum.

Í bréfi vísindamannanna segja þeir að líklega sé fyrirætlun Johnson með afléttingu sóttvarnaaðgerðanna að leyfa nýjum smitum að blossa upp til að flýta því að hjarðónæmi náist í samspili við bólusetningar.

Ryan segist þó ekki trúa því að það sé fyrirætlun ríkisstjórnarinnar og sagði að ef svo sé þá sé það „faraldsfræðileg heimska“. The Guardian hefur þetta eftir honum. Hann varaði um leið Johnson við að kasta þeim góða árangri sem náðst hefur á glæ. „Í Evrópu er ein milljón nýrra smita í viku. Það er ekki bara þannig að faraldurinn sé horfinn,“ sagði hann.

Upphaflega ætlaði breska ríkisstjórnin að aflétta sóttvarnaaðgerðum þann 21. júní en því var slegið á frest um fjórar vikur vegna útbreiðslu hins mjög svo smitandi Deltaafbrigðis veirunnar. Þegar Johnson tilkynnti um frestunina sagði hann að með henni ætti að vera hægt að „byggja góðan vegg ónæmis“.

Á sunnudaginn sagði Johnson að faraldrinum sé ekki lokið og að reikna megi með að smitum muni fjölga á næstu vikum. „Þegar við byrjum að lifa með þessari veiru verða allir að meta áhættuna við kórónuveiruna og beita skynseminni alla daga,“ sagði hann.

128.000 hafa látist af völdum COVID-19 í Bretlandi. Nú greinast um 30.000 smit á dag og hafa samtök breskra lækna miklar áhyggjur af þróun mála og hvetja ríkisstjórnina til að láta ákveðnar sóttvarnaaðgerðir vera áfram í gildi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Sextíu hafa verið skotnir til bana í Svíþjóð á árinu

Sextíu hafa verið skotnir til bana í Svíþjóð á árinu
Pressan
Fyrir 2 dögum

Trúarleiðtogi ætlaði að kvænast dóttur sinni -„Guð vildi lagfæra líkama þeirra og setja meyjarhaftið aftur á sinn stað“

Trúarleiðtogi ætlaði að kvænast dóttur sinni -„Guð vildi lagfæra líkama þeirra og setja meyjarhaftið aftur á sinn stað“
Pressan
Fyrir 3 dögum

Klámstjarnan Katja Kean skýrir frá óvæntu atriði varðandi ferilinn

Klámstjarnan Katja Kean skýrir frá óvæntu atriði varðandi ferilinn
Pressan
Fyrir 3 dögum

Dyrabjöllunni var hringt – Öll héldu þau að þau væru að fá það sem þau pöntuðu en þetta var dauðinn

Dyrabjöllunni var hringt – Öll héldu þau að þau væru að fá það sem þau pöntuðu en þetta var dauðinn
Pressan
Fyrir 4 dögum

Þess vegna áttu ekki að geyma ost í ísskápshurðinni

Þess vegna áttu ekki að geyma ost í ísskápshurðinni
Pressan
Fyrir 4 dögum

Elon Musk óttast að vera ráðinn af dögum – „Það er ekki svo erfitt að drepa einhvern ef maður vill það“

Elon Musk óttast að vera ráðinn af dögum – „Það er ekki svo erfitt að drepa einhvern ef maður vill það“
Pressan
Fyrir 5 dögum

Yfirsást þér þessi ástarsaga í Love Actually?

Yfirsást þér þessi ástarsaga í Love Actually?
Pressan
Fyrir 5 dögum

ESB vill breyta reglum um vernd úlfa

ESB vill breyta reglum um vernd úlfa