Maðurinn starfar á sóttkvíarhóteli þar sem fólk, sem er nýkomið til landsins og hefur greinst með veiruna, gistir til að koma í veg fyrir útbreiðslu hennar.
Baráttan gegn veirunni hefur gengið vel í Ástralíu og hafa landsmenn að miklu leyti snúið aftur til lífshátta eins og þeir voru fyrir heimsfaraldur. Umrætt smit er það fyrsta sem greindist í landinu í 14 daga. Öll önnur smit hafa greinst hjá fólki við komuna til landsins og hefur það verið sett í sóttkví á hótelum.
Frá og með sunnudegi til og með föstudags eru allir skólar, veitingastaðir, kvikmyndahús og líkamsræktarstöðvar í Perth lokaðar. Íbúar mega aðeins fara út af heimilum sínum ef þeir þurfa að versla í matinn, fara í apótek, til læknis eða á sjúkrahús og til að stunda líkamsrækt eða sinna störfum sem eru samfélagslega mikilvæg.
„Ég veit að þetta er mikið áfall fyrir marga íbúa í Vestur-Ástralíu. Við megum ekki gleyma hversu hratt þessi veira getur breiðst út og þeirri eyðileggingu sem hún skilur eftir sig,“ sagði Mark Mcgowan, forsætisráðherra Vestur-Ástralíu ríkis á fréttamannafundi.