fbpx
Þriðjudagur 26.maí 2020
Pressan

Honum var rænt fyrir 32 árum – Fyrir 12 dögum kom símtalið

Kristján Kristjánsson
Föstudaginn 22. maí 2020 06:58

Mæðginin. Skjáskot/YouTube

Ekki missa af Helstu tíðindum dagsins í pósthólfið þitt

Lesa nánar

Fyrir 32 árum var Mao Yin, 2 ára, á heimleið frá leikskólanum með föður sínum, Mao Zhenjing, í borginni Xian í Shaanxi-héraðinu í Kína. Mao Yin var þyrstur og bað föður sinn um vatn. Þeir stoppuðu því við aðalinngang hótels. Faðirinn leit af syni sínum í nokkrar sekúndur til að útvega vatn en á þessum sekúndum hvarf drengurinn og var eins og jörðin hefði gleypt hann.

Í umfjöllun BBC um málið kemur fram að foreldrar Mao Yin hafi aldrei gefið upp vonin um að finna hann. Móðir hans, Li Jingzhi, hætti í vinnunni til að einbeita sér að leitinni að syninum. Hjónin leituðu hans í tíu héruðum landsins og dreifðu um 100.000 flugritum með mynd af honum í þeirri von að finna hann.

Þann 10. maí, sem er mæðradagurinn í Kína, fengu hjónin síðan langþráð símtal þegar þeim var tilkynnt að Mao Yin væri kominn í leitirnar, 32 árum eftir að honum var rænt.

Lögreglan fékk nýlega ábendingu um barnlaust par, sem býr um 1.000 km frá Xian, sem hafði greitt sem nemur um 120.000 íslenskum krónum fyrir tveggja ára strák fyrir löngu síðan. Þetta reyndist vera Mao Yin og var það staðfest með DNA-rannsókn.

Fjölskyldan sameinuð á nýjan leik. Skjáskot/YouTube

Þegar staðfesting á þessu lá fyrir hitti hann foreldra sína loksins eftir 32 ára aðskilnað. Hann hafði gengið undir nafninu Gu Ningning í öll þessi ár. Hann rekur eigin verslun en ætlar nú að taka sér frí til að kynnast fjölskyldu sinni upp á nýtt.

Lögreglan er enn að rannsaka málið og hefur ekki veitt nánari upplýsingar um fólkið sem keypti Mao Yin.

Rán á börnum hefur verið stórt vandamál í Kína áratugum saman. BBC segir að engar opinberar tölur séu til yfir hversu margra barna sé saknað í landinu en á netsíðunni Baby Come Back Home eru rúmlega 22.000 færslur frá foreldrum sem leita að börnum sínum.

Fyrir fimm árum var talið að um 20.000 börnum væri rænt árlega í Kína en nýrri tölur liggja ekki fyrir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Lögreglan telur sig vita hvar Anne-Elisabeth var myrt

Lögreglan telur sig vita hvar Anne-Elisabeth var myrt
Pressan
Í gær

Umtalaðasta þáttaröðin í dag – Er sagan fegruð?

Umtalaðasta þáttaröðin í dag – Er sagan fegruð?
Pressan
Fyrir 4 dögum

Portúgal hættir að taka við sorpi frá öðrum Evrópuríkjum

Portúgal hættir að taka við sorpi frá öðrum Evrópuríkjum
Fyrir 4 dögum

Hreðavatn kraumaði af fiski í gærkveldi

Hreðavatn kraumaði af fiski í gærkveldi
Fyrir 6 dögum

Flott urrriðaveiði  fyrir norðan

Flott urrriðaveiði  fyrir norðan
Pressan
Fyrir 6 dögum

Segir að Trump eigi ekki að taka malaríulyf því hann sé „sjúklega feitur“

Segir að Trump eigi ekki að taka malaríulyf því hann sé „sjúklega feitur“