fbpx
Laugardagur 23.október 2021
Fréttir

Sögulega lítið framboð af fasteignum á höfuðborgarsvæðinu

Kristján Kristjánsson
Fimmtudaginn 2. september 2021 07:59

Mynd/GVA

Ekki missa af Helstu tíðindum dagsins í pósthólfið þitt

Lesa nánar

Mikil fasteignasala hefur verið í heimsfaraldrinum og á ákveðnum svæðum eru nær engar fasteignir til sölu. Fólk sem vildi helst búa á höfuðborgarsvæðinu hefur einfaldlega neyðst til að kaupa sér fasteignir í nágrannasveitarfélögunum því engar fasteignir er að hafa í borginni.

Fréttablaðið skýrir frá þessu í dag. Fram kemur að framboð af fasteignum til sölu sé í sögulegu lágmarki á höfuðborgarsvæðinu. Hjá ákveðnum fasteignasölum er fjöldi eigna á söluskrá aðeins þriðjungur þess sem áður var.

Lítið framboð og verðhækkanir hafa orðið til þess að fleiri sækja í húsnæði í nágrenni höfuðborgarsvæðisins, til dæmis í Reykjanesbæ og Árborg en þar hefur fasteignaverð hækkað hratt að undanförnu.

„Varan í hillunum er sums staðar nánast búin,“ er haft eftir Kjartani Hallgeirssyni, formanni Félags fasteignasala. Hann sagði að uppsöfnuð eftirspurn, breytingar á markaði, sögulega hagstæð lánskjör og fleira hafi valdið því að fasteignasala hafi aukist um 60% á síðustu tólf mánuðum.

Einnig eru að hans sögn dæmi um að fólk sem ávaxtaði fé sitt í bönkum áður en heimsfaraldurinn skall á hafi fært það yfir í steinsteypu. Dæmi séu um fólk sem búi svo vel að eiga umframfé og geti ekki ávaxtað það í bönkum og kaup því húsnæði til að leigja út. Allt hefur þetta fækkað kostum á markaðnum. „Nú súpum við seyðið. Það myndaðist bil. Við þurfum að hinkra eftir næstu gusu nýbygginga sem dettur inn á næstu tólf mánuðum,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Mikill hagnaður Icelandair á þriðja ársfjórðungi

Mikill hagnaður Icelandair á þriðja ársfjórðungi
Fréttir
Fyrir 2 dögum

Kona í stappi við tryggingafélag eftir að hún varð fyrir bíl sem ók yfir á rauðu ljósi

Kona í stappi við tryggingafélag eftir að hún varð fyrir bíl sem ók yfir á rauðu ljósi
Fréttir
Fyrir 2 dögum

Héraðsdómaranum Inga boðið að borga 250 þúsund króna sekt fyrir að brjóta kosningalög

Héraðsdómaranum Inga boðið að borga 250 þúsund króna sekt fyrir að brjóta kosningalög
Fréttir
Fyrir 2 dögum

Hilmar segir Nocco ekki vera íþróttadrykk – „Hættið að vera lélegar manneskjur með því að sannfæra börn um að óhófleg koffínneysla sé í lagi“

Hilmar segir Nocco ekki vera íþróttadrykk – „Hættið að vera lélegar manneskjur með því að sannfæra börn um að óhófleg koffínneysla sé í lagi“