Annar tveggja sem setið hafa í gæsluvarðhaldi síðan 29. apríl vegna rannsóknar á andláti Sofiu Sarmite Kolesnikova á Selfossi var látinn laus í dag.
Þetta kemur fram í tilkynningu á vefsíðu lögreglunnar. Krafa hefur verið lögð fram fyrir héraðsdómi um að hinn karlmaðurinn sæti áframhaldandi gæsluvarðhaldi, á grundvelli rannsóknarhagsmuna.
Talið er að andlát konunnar hafi borið að með saknæmum hætti en engar nánari upplýsingar um það hafa komið fram.
