fbpx
Laugardagur 22.júní 2024
Pressan

Skokkari tók upp myndband af sjálfum sér myrða mann

Pressan
Sunnudaginn 26. nóvember 2023 16:30

Garden Grove í Kaliforníu/Wikimedia

Ekki missa af Helstu tíðindum dagsins í pósthólfið þitt

Lesa nánar

Bandarískur maður hefur verið sakaður um að skjóta heimilislausan mann til bana. Er hann sagður hafa tekið ódæðið upp á myndband. Að sögn var heimilislausi maðurinn fyrir manninum á gangstétt.

Maðurinn er 68 ára gamall og heitir Craig Sumner Elliott. Í september síðastliðnum var hann að skokka í borginni Garden Grove í Kaliforníu ríki ásamt hundunum sínum tveimur.

Varð þá á vegi hans Antonio García Avalos sem var heimilislaus og 40 ára gamall. Avalos var sofandi á miðri gangstétt. Elliot var með kerru með sér og notaði hana til að ýta við Avalos í þeim tilgangi að vekja hann svo Elliot gæti komist framhjá honum.

Mun Avalos hafa brugðist illa við. Hann æpti á Elliot og sagði honum að fara frá sér.

Er Elliot sagður þá hafa tekið upp skammbyssu.

Að sögn má á myndbandinu sem Elliot tók upp af atburðarrásinni sjá að Avalos hafi hent skó í átt að honum en hann náði að víkja sér undan honum. Því næst hafi Elliot skotið Avalos þrisvar sinnum. Avalos lést síðar af sárum sínum. Elliot hefur verið ákærður fyrir manndráp en ekki morð.

Hann var handtekinn 17. nóvember síðastliðinn en sleppt gegn tryggingu þremur dögum síðar. Málið verður næst tekið fyrir, af dómstól, um miðjan desember.

Elliot á yfir höfði sér allt að 21 árs fangelsi.

CNN greindi frá.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Óbreyttir borgarar yfirbugðu karlmann sem er grunaður um að hafa nauðgað 13 ára stúlku

Óbreyttir borgarar yfirbugðu karlmann sem er grunaður um að hafa nauðgað 13 ára stúlku
Pressan
Fyrir 2 dögum

Óhugnanlegt myndband sýnir drukkinn ökumann aka á hjólreiðamann

Óhugnanlegt myndband sýnir drukkinn ökumann aka á hjólreiðamann
Pressan
Fyrir 2 dögum

Krókódíll reyndi að ná börnum – Endaði með að vera skotinn og borðaður af bæjarbúum

Krókódíll reyndi að ná börnum – Endaði með að vera skotinn og borðaður af bæjarbúum
Pressan
Fyrir 2 dögum

Hún virtist lifa venjulegu lífi – En bak við slétt yfirborðið leyndist allt önnur manneskja

Hún virtist lifa venjulegu lífi – En bak við slétt yfirborðið leyndist allt önnur manneskja
Pressan
Fyrir 4 dögum

Reyndi vinsælt TikTok handfarangursráð – Uppskar flugbann fyrir athæfið

Reyndi vinsælt TikTok handfarangursráð – Uppskar flugbann fyrir athæfið
Pressan
Fyrir 4 dögum

Skipti um flugsæti við barn – Upplifði að eigin sögn hrylling að launum allt flugið

Skipti um flugsæti við barn – Upplifði að eigin sögn hrylling að launum allt flugið