fbpx
Mánudagur 20.september 2021
Pressan

Joe Biden hvetur ráðgjafa frá tíma Trumpstjórnarinnar til að segja upp – Ef ekki verða þeir reknir

Kristján Kristjánsson
Föstudaginn 10. september 2021 06:59

Joe Biden. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Joe Biden, Bandaríkjaforseti, er enn að taka til eftir forvera sinn, Donald Trump, í Hvíta húsinu og nú er röðin komin að 11 ráðgjöfum sem Trumpstjórnin útnefndi. Ráðgjafarnir hafa verið hvattir til að segja upp störfum af sjálfsdáðum en að öðrum kosti verði þeir reknir. En ekki er að heyra að ráðgjafarnir séu mjög samstarfsfúsir við forsetann.

Meðal ráðgjafanna eru Sean Spicer, fyrrum fjölmiðlafulltrúi Trump, H.R. McMaster, fyrrum þjóðaröryggisráðgjafi Trump, og Kellyanne Conway, fyrrum ráðgjafi hans.

Málið var rætt á fréttamannafundi í Hvíta húsinu á miðvikudaginn þar sem Jen Psaki, fjölmiðlafulltrúi Biden, var fyrir svörum. Hún sagði það rétt vera að forsetinn hafi hvatt ráðgjafana til að segja upp en að öðrum kosti verði þeir reknir. „Markmið forsetans með þessu er það sama og hver einasti forseti myndi hafa: Að tryggja að ráðgjafar og starfsfólk í hinum ýmsu embættum sé hæft til að gegna störfum sínum og að það starfi í samræmi við þau pólitísku gildi sem forsetinn stendur fyrir,“ sagði hún. The Guardian skýrir frá.

Ráðgjafarnir 11 voru á valdatíma Trump ráðnir til starfa í svokölluðu „military service advisory boards,“ en það eru ráðgefandi nefndir sem veita fimm herskólum ráðgjöf en ráðgjöf þeirra er ekki bindandi. Meðal verkefna nefndanna er meðal annars að veita ráð um málefni á borð við móral og aga, námsskrá, kennslu, útbúnað nemenda, fjármál, kennsluaðferðir og fleira. Í hverri nefnd situr fólk sem er tilnefnt af þinginu og forsetanum. Á valdatíma Trump sátu þeir áfram í þessum nefndum sem forveri hans, Barack Obama, hafði tilnefnt.

En Biden hefur greinilega ekki áhuga á að nýta sér starfskrafta þeirra sem Trump útnefndi.

Psaki vildi ekki tjá sig mikið um málið en vísaði því á bug að það snúist um flokkslínur. „Ég læt öðrum eftir að meta hvort Sean Spicer, Kellyanne Conway og aðrir úr hópnum séu hæf og nægilega ópólitísk til að geta sinnt þessum störfum en hæfnikröfur forsetans snúast ekki um flokksskírteini fólks, heldur um hvort fólk er hæft til að sinna starfinu í samræmi við kröfur og gildi þessarar ríkisstjórnar,“ sagði hún.

Ýmislegt bendir til að Biden verði að gera alvöru úr hótun sinni um að reka fólkið úr starfi því ekki er að heyra að það hafi í hyggju að segja upp. Kellyanne Conway birti bréf til Biden á Twitter þar sem hún beindi orðum sínum beint að honum og gagnrýndi störf hans í Hvíta húsinu. Hún skrifaði meðal annars: „Ég segi ekki upp en það ættir þú að gera.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Ofát er ekki aðalástæða offitu segja vísindamenn

Ofát er ekki aðalástæða offitu segja vísindamenn
Pressan
Í gær

Ástralar sakaðir um að vera með kolsvarta samvisku í umhverfismálum

Ástralar sakaðir um að vera með kolsvarta samvisku í umhverfismálum
Pressan
Fyrir 3 dögum

Móðir handtekin í kjölfar þess að tvö börn hennar létu lífið – Gaf sig sjálf fram við lögreglu

Móðir handtekin í kjölfar þess að tvö börn hennar létu lífið – Gaf sig sjálf fram við lögreglu
Pressan
Fyrir 3 dögum

Segir að bólusetning gegn kórónuveirunni hafi raskað tíðahring mörg þúsund kvenna en hann komist fljótt í rétt horf

Segir að bólusetning gegn kórónuveirunni hafi raskað tíðahring mörg þúsund kvenna en hann komist fljótt í rétt horf
Pressan
Fyrir 4 dögum

Dularfullt morðmál tekur algjörlega nýja stefnu – Mæðgin myrt – Ungmenni létust – Morðtilraun

Dularfullt morðmál tekur algjörlega nýja stefnu – Mæðgin myrt – Ungmenni létust – Morðtilraun
Pressan
Fyrir 4 dögum

Hvað varð um hana? Hvarf sporlaust á ferðalagi með unnustanum og hann vill ekki segja mikið

Hvað varð um hana? Hvarf sporlaust á ferðalagi með unnustanum og hann vill ekki segja mikið