fbpx
Fimmtudagur 26.maí 2022
Pressan

Sérfræðingur hjá WHO segir að heimsfaraldurinn gæti hafa átt upptök sín á rannsóknarstofu í Wuhan

Kristján Kristjánsson
Föstudaginn 13. ágúst 2021 06:59

Veiran kom fyrst fram á sjónarsviðið í Wuhan í Kína.

Ekki missa af Helstu tíðindum dagsins í pósthólfið þitt

Lesa nánar

Peter Embarek, sem fór fyrir sérfræðingahópi Alþjóðaheilbrigðismálastofnunarinnar WHO sem fór til Wuhan í Kína til að rannsaka upptök heimsfaraldurs kórónuveirunnar, telur hugsanlegt að faraldurinn hafi byrjað með að starfsmaður rannsóknarstofu þar í borg hafi verið bitinn af leðurblöku og hafi borið smitið með sér út af rannsóknarstofunni.

Umrædd rannsóknarstofa hefur oft verið nefnd sem hugsanlegur upptakastaður faraldursins og eru bandarískar leyniþjónustustofnanir nú að rannsaka það sérstaklega. Kínversk yfirvöld hafa alltaf neitað því en á rannsóknarstofunni var unnið við rannsóknir og tilraunir með kórónuveirur.

TV2 hefur eftir Embarek að hann hafi ekki séð nein bein sönnunargögn fyrir að þessi kenning sé rétt en telur þetta samt sem áður mjög líklegt og segir að það þurfi að rannsaka þetta nánar. „Starfsmaður sem smitast þegar hann er úti á vettvangi að taka sýni er ein af líklegu kenningunum,“ sagði hann.

Hann fór fyrir sérfræðingahópi WHO sem fór til Wuhan í febrúar. Í kjölfar rannsóknar hópsins sagði WHO að „mjög ólíklegt“ væri að veiran hefði borist frá rannsóknarstofunni. Embarek segir að hann hafi viljað segja að það væri „ólíklegt“ en „mjög“ hafi verið bætt við eftir mikinn þrýsting frá Kínverjum.

Vísindamenn hafa sagt að líklega hafi kórónuveiran orðið til í leðurblökum af ákveðinni tegund og borist úr henni í menn. Umrædd tegund leðurblaka lifir ekki villt nærri Wuhan og eina fólkið sem vitað er til að hafi verið nærri leðurblökum af þessari tegund eru starfsmenn fyrrnefndrar rannsóknarstofu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Bandaríkin ætla að styrkja sig á Grænlandi – Ætla að setja pening í Thulestöðina

Bandaríkin ætla að styrkja sig á Grænlandi – Ætla að setja pening í Thulestöðina
Pressan
Fyrir 3 dögum

Hakkararnir lýsa yfir öðru stríði

Hakkararnir lýsa yfir öðru stríði
Pressan
Fyrir 4 dögum

Grátt hár getur fengið fyrri lit aftur

Grátt hár getur fengið fyrri lit aftur
Pressan
Fyrir 4 dögum

Bandaríkjamenn ætla sér að komast til botns í hvaðan fljúgandi furðuhlutir eru

Bandaríkjamenn ætla sér að komast til botns í hvaðan fljúgandi furðuhlutir eru
Pressan
Fyrir 5 dögum

Eyðilagði hjónaband foreldra sinna – „Ég smitaði pabba af herpes“

Eyðilagði hjónaband foreldra sinna – „Ég smitaði pabba af herpes“
Pressan
Fyrir 5 dögum

Höfða mál á hendur syni sínum af því að hann hefur ekki eignast börn

Höfða mál á hendur syni sínum af því að hann hefur ekki eignast börn