fbpx
Föstudagur 14.maí 2021
Pressan

Norður-Kórea hefur í hótunum við Bandaríkin – „Hann gerði stór mistök“

Kristján Kristjánsson
Mánudaginn 3. maí 2021 05:20

Kim Jong-un hefur í hótunum við Bandaríkin.

Ekki missa af Helstu tíðindum dagsins í pósthólfið þitt

Lesa nánar

Stjórnvöld í Norður-Kóreu höfðu um helgina í hótunum við Bandaríkin eftir að Joe Biden, Bandaríkjaforseti, sagði „öryggisógn“ stafa af landinu. Hann ávarpaði Bandaríkjaþing á fimmtudaginn og sagði þá að Norður-Kórea væri „alvarleg ógn við Bandaríkin og öryggi heimsins“. Hann sagðist einnig vilja vinna með bandamönnum Bandaríkjanna að því að leysa vandamálið með lýðræði og fælingarmátt að leiðarljósi.

Þetta fór illa í einræðisstjórnina í Norður-Kóreu sem lét heyra í sér um helgina. Kwon Jong Gun, hjá utanríkisráðuneytinu, sagði að ummæli Biden sýni greinilega að hann ætli að reka fjandsamlega stefnu í garð Norður-Kóreu. „Forseti Bandaríkjanna gerði stór mistök. Nú þegar grundvallaratriðið í nýrri stefnu Bandaríkjanna gegn Norður-Kóreu er komið í ljós neyðumst við til að svara á sama hátt og í framtíðinni munu Bandaríkin lenda í mjög alvarlegum vanda,“ sagði hann.

Hann fór ekki nánar út í hvað einræðisstjórnin hefur í huga.

Reikna má með að ummælum hans sé ætlað að setja þrýsting á Biden og stjórn hans sem er enn að móta stefnu sína gagnvart Norður-Kóreu. Jen Psaki, talskona Biden, gaf í skyn á föstudaginn að Biden myndi reyna að finna einhvern milliveg á milli stefnu Donald Trump, sem fól í sér beinar viðræður við einræðisstjórnina, og stefnu Barack Obama, sem fól í sér þolinmóða nálgun og frekar afskiptalitla.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Spáir því að Bretland verði laust við kórónuveiruna í ágúst

Spáir því að Bretland verði laust við kórónuveiruna í ágúst
Pressan
Fyrir 2 dögum

Ógnþrungið ástand í smáþorpi í Wales eftir hvarf 18 ára unglings – Hvar er Frankie?

Ógnþrungið ástand í smáþorpi í Wales eftir hvarf 18 ára unglings – Hvar er Frankie?
Pressan
Fyrir 3 dögum

Telur líklegt að til stríðs komi á milli Bandaríkjanna og Kína – „Það er framtíð lýðræðisins sem er að veði, ekkert minna“

Telur líklegt að til stríðs komi á milli Bandaríkjanna og Kína – „Það er framtíð lýðræðisins sem er að veði, ekkert minna“
Pressan
Fyrir 3 dögum

Bólusetningum í Bandaríkjunum fer fækkandi – Stór hópur er hikandi

Bólusetningum í Bandaríkjunum fer fækkandi – Stór hópur er hikandi
Pressan
Fyrir 4 dögum

Melinda hafði samband við lögmann eftir að upp komst að Bill hitti barnaníðinginn

Melinda hafði samband við lögmann eftir að upp komst að Bill hitti barnaníðinginn
Pressan
Fyrir 4 dögum

Skelfilegt ástand á Indlandi – Starfsfólk í líkbrennslum og grafreitum trúir ekki dánartölum yfirvalda

Skelfilegt ástand á Indlandi – Starfsfólk í líkbrennslum og grafreitum trúir ekki dánartölum yfirvalda