fbpx
Þriðjudagur 11.maí 2021
Pressan

Í 20 löndum eru „gifstu nauðgara þínum“ lög í gildi

Kristján Kristjánsson
Sunnudaginn 18. apríl 2021 22:00

Mynd úr safni. Tengist frétt ekki.

Ekki missa af Helstu tíðindum dagsins í pósthólfið þitt

Lesa nánar

Í nýrri skýrslu frá Sameinuðu þjóðunum kemur fram að í 20 löndum séu lög í gildi sem heimila nauðgurum að kvænast fórnarlömbum sínum til að sleppa við refsingu. Meðal þeirra landa sem heimila þetta eru Rússland, Taíland og Venesúela.

Dr Natalia Kanem, framkvæmdastjóri Mannfjöldastofnunar SÞ (UNFPA) sagði að lög af þessu tagi séu „mjög röng“ og „aðferð til að undiroka konur“. „Það er ekki hægt að svipta konur réttindum sínum. „Gifstu nauðgara þínum“ lög færa sektarábyrgðina yfir á fórnarlambið og reyna að hreinsa mál sem er glæpsamlegt,“ sagði hún.

Dima Dabbous, framkvæmdastjóri Equality Now‘s Middle East and Africa region, sagði að lög af þessu tagi endurspegli menningu „sem metur það sem svo að konur eigi ekki að hafa líkamlegt sjálfræði og séu eign fjölskyldunnar“. Vitnað er í skýrslu samtaka hennar í skýrslu UNFPA.

Hún sagði að mjög erfitt sé að breyta þessum lögum en það sé þó ekki ómögulegt. Hún benti á að í Marokkó hafi slík lög verið afnumin eftir mikla reiði almennings eftir að ung kona svipti sig lífi eftir að hún var neydd til að giftast nauðgara sínum. Í kjölfarið fylgdu Jórdanía, Palestína, Líbanon og Túnis og breyttu samskonar löggjöf.

Í Kúveit geta nauðgarar kvænst fórnarlömbum sínum ef forráðamenn fórnarlambanna samþykkja en þar í landi eru konur alltaf settar undir forræði karla og skiptir engu hversu gamlar þær eru. Í Rússlandi geta nauðgarar, 18 ára og eldri, sloppið við refsingu ef þeir nauðguðu barni yngra en 16 ára ef þeir kvænast því.

Í skýrslu sinni bendir UNFPA á að í 43 löndum séu engin lög sem taka á nauðgunum innan hjónabands. Einnig kemur fram að í 57 löndum eigi konur ekki rétt á að neita að stunda kynlíf með maka sínum, nota getnaðarvarnir eða leita læknisaðstoðar. Verst er ástandið í Malí, Níger og Senegal en tæplega 10% kvenna í þessum löndum taka sjálfar ákvörðun um heilsugæslu sína, notkun getnaðarvarna eða hvort og hvenær þær stunda kynlíf.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Fólk er tilbúið í bólfarir – Sala á smokkum tekur mikinn kipp

Fólk er tilbúið í bólfarir – Sala á smokkum tekur mikinn kipp
Pressan
Fyrir 2 dögum

Segir að Kínverjar auki kúgun sína og séu árásargjarnir

Segir að Kínverjar auki kúgun sína og séu árásargjarnir
Pressan
Fyrir 3 dögum

45.000 vilja fá að taka þátt í veiðum á vísundum í Miklagljúfri

45.000 vilja fá að taka þátt í veiðum á vísundum í Miklagljúfri
Pressan
Fyrir 4 dögum

Eignaðist barn um borð í farþegaflugvél – Læknir og hjúkrunarfræðingar á fyrirburadeild voru meðal farþega

Eignaðist barn um borð í farþegaflugvél – Læknir og hjúkrunarfræðingar á fyrirburadeild voru meðal farþega
Pressan
Fyrir 4 dögum

Nýjar og óhugnanlegar upplýsingar um hvarf flugs MH370

Nýjar og óhugnanlegar upplýsingar um hvarf flugs MH370
Pressan
Fyrir 4 dögum

Óhugnanlegar myndir úr yfirgefnu húsi vekja athygli – Eigendurnir létu lífið fyrir þremur árum

Óhugnanlegar myndir úr yfirgefnu húsi vekja athygli – Eigendurnir létu lífið fyrir þremur árum