fbpx
Mánudagur 21.júní 2021
Pressan

Ebólufaraldur í Gíneu – Bóluefnalager í Sviss tryggir skjót viðbrögð

Kristján Kristjánsson
Miðvikudaginn 17. febrúar 2021 05:25

Ebólu vírus. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Sjö Ebólusmit hafa verið staðfest í Gíneu, sem er í vestanverðri Afríku. Fimm eru látnir af völdum veirunnar. Stór Ebólufaraldur geisaði í landinu 2014 en frá 2016 hefur landið verið laust við þessa skelfilegu veiru, eða allt þar til nú. Með nýjum lager af bóluefnum gegn veirunni á að vera hægt að bregðast hratt við þeim faraldri sem gæti verið í uppsiglingu.

Jótlandspósturinn hefur eftir Mads Geisler, lækni, sem hefur margoft farið til Afríku á vegum samtakanna Læknar án landamæra til að berjast gegn Ebólu að það sé áhyggjuefni að sjö tilfelli hafi komið upp. „Eitt Ebólusmit er faraldur. Svo lengi sem það er eitt smit, þá verða að vera sóttvarnamiðstöðvar og viðbúnaður því afleiðingarnar eru hrikalega af hverju smiti og af því að þetta lokar á alla samfélagsstarfsemi,“ sagði hann.

Alfred George KiZerbo, fulltrúi Alþjóðaheilbrigðisstofnunarinnar WHO í Afríku, sagði á fréttamannafundi að verið sé að bregðast við ástandinu. The Guardian segir að hann hafi sagt að WHO væri í fullri viðbragðsstöðu og í sambandi við framleiðanda bóluefnis til að tryggja að nauðsynlegt magn verði til ráðstöfunar eins fljótt og hægt er.

Það sem gæti skipt sköpum í baráttunni við þennan nýja faraldur er að í Sviss hafa alþjóðlegar hjálparstofnanir og ýmis samtök komið upp lager með Ebólubóluefnum. Með tilkomu hans er hægt að bregðast við á einni viku og bólusetja marga. Áður var aðgengi að bóluefnum ekki svo gott því það þurfti að útvega ákveðið magn af þeim áður en hægt var að senda þau af stað.

Ebóla er hættulegur veirusjúkdómur. Dánarhlutfallið getur verið allt að 90%. Það er auðvelt að drepa veiruna sjálfa, til dæmis með hita, klóri og sápu. En veiran er bráðsmitandi og því geta faraldrar breiðst mjög hratt út.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ingó opinberar ástina

Nýlegt

Pressan
Fyrir 2 dögum

Geitaher á að koma í veg fyrir skógarelda í Kaliforníu

Geitaher á að koma í veg fyrir skógarelda í Kaliforníu
Pressan
Fyrir 2 dögum

Tölvuþrjótar herja af miklum krafti á bandarísk fyrirtæki

Tölvuþrjótar herja af miklum krafti á bandarísk fyrirtæki
Pressan
Fyrir 3 dögum

Slæmar fréttir af bóluefni CureVac

Slæmar fréttir af bóluefni CureVac
Pressan
Fyrir 3 dögum

19. júní er nýr frídagur í Bandaríkjunum

19. júní er nýr frídagur í Bandaríkjunum
Pressan
Fyrir 4 dögum

Deltaafbrigði kórónuveirunnar hefur borist til 74 landa – Mun meira smitandi en önnur afbrigði

Deltaafbrigði kórónuveirunnar hefur borist til 74 landa – Mun meira smitandi en önnur afbrigði
Pressan
Fyrir 4 dögum

Biðja til „kórónugyðjunnar“ – „Kannski frelsar hún okkur“

Biðja til „kórónugyðjunnar“ – „Kannski frelsar hún okkur“
Pressan
Fyrir 5 dögum

Lögreglan kíkti í kjallarann hans – Á 21 árs fangelsi yfir höfði sér

Lögreglan kíkti í kjallarann hans – Á 21 árs fangelsi yfir höfði sér
Pressan
Fyrir 5 dögum

Danir svitna – Miklum hita spáð í vikunni

Danir svitna – Miklum hita spáð í vikunni