Kínverskir fornleifafræðingar fundu nýlega þrjú 1.800 ára gömul grafhýsi í Rizhao, sem er í suðausturhluta landsins, sem geyma fullt af fornum fjársjóðum.

The Independent skýrir frá þessu og segir að svo virðist sem miklu hafi verið stolið úr tveimur grafhýsanna en það þriðja virðist vera nánast ósnert.

Í tilkynningu frá fornleifadeild kínverska félagsvísindaháskólans segir að í ósnerta grafhýsinu séu rúmlega 70 munir sem hafi verið settir hjá hinum látnu.

Engin bein eru í hellunum, þau hafa einfaldlega brotnað niður í gegnum aldirnar, og því er ekki vitað hvaða útfararsiðir voru viðhafðir.

Grafhýsin fundust þegar unnið var við endurbætur á almenningsgarði. Fornleifafræðingar tóku fljótlega við vettvangi og fundu munina í grafhýsunum, þar á meðal úr bronsi og töluvert af leirmunum. Einnig fannst skjaldbökuinnsigli úr bronsi, taska og viðartunnur.