En það eru til ráð til að gera hlutföllin í þessu „töskuhappdrætti“ mun hagstæðari fyrir mann sjálfan. Og það þarf ekki að borga mútur, beita töfrum eða kvarta við þjónustuborðið.
Fjallað var um þetta á ferðasíðunni Club Alliance. Þar segir að þrjár aðferðir séu bestar þegar kemur að því að tryggja að maður fái töskuna sína á undan nánast öllum öðrum farþegum.
Ferðastu eins og MMM (Mjög mikilvæg manneskja) – Mörg flugfélög bjóða „forgangsfarangur“ fyrir þá vildarviðskiptavini sem eru á toppnum í vildarvinakerfum þeirra. Þetta þýðir að taskan þín fær merki um að það eigi að meðhöndla hana á sérstakan hátt og því kemur hún mjög snemma á færibandið. Ef þú flýgur á fyrsta farrými, þá er hröð töskuafgreiðsla nánast réttur þinn. Í sumum tilfellum geta nokkrar flugferðir eða það að tengja kreditkort við vildarreikninginn veitt þér aðgang að þessu kerfi.
Afhentu töskuna við landganginn – Ef þú ert með litla tösku og þér er boðið að skrá hana sem farangur þegar þú kemur að landganginum, þá skaltu taka boðinu. Í minni flugvélum er þessar töskur yfirleitt settar aftast í farangursrýminu og sá endi er venjulega tæmdur fyrst.
Vertu meðal þeirra síðustu í röðinni – Þeim mun seinna, sem þú tékkar þig inn í flugið, þeim mun meiri líkur eru á að taskan þín lendi aftast í farangursrými vélarinnar. Það þýðir auðvitað að hún er meðal þeirra fyrstu sem verður tekin út. Það er þó ekki hægt að ganga að þessu alveg vísu, sérstaklega ekki ef margir farþeganna eru tíðir farþegar hjá flugfélaginu. Þá njóta þeir góðs af því að ferðast eins og MMM.
