Mánudagur 01.mars 2021
Pressan

1 af hverjum 13 Bandaríkjamönnum hefur greinst með kórónuveiruna

Kristján Kristjánsson
Mánudaginn 25. janúar 2021 05:56

Mynd:Getty

Ekki missa af Helstu tíðindum dagsins í pósthólfið þitt

Lesa nánar

Óvíða hefur kórónuveiran herjað af jafn miklum krafti og í Bandaríkjunum og engin furða að Joe Biden, sem tók nýlega við forsetaembættinu, hafi gert baráttuna gegn heimsfaraldrinum og kapphlaupið um að fá bóluefni sem fyrst að forgangsverkefni sínu. Rúmlega 25 milljónir smita hafa verið staðfest í landinu frá því að fyrsta smitið var staðfest fyrir um ári síðan.

Þetta sýna tölur frá Johns Hopkins háskólanum frá í nótt. Þetta svarar til þess að um 1 af hverjum 13 Bandaríkjamönnum hafi greinst með veiruna. Við þennan fjölda bætist óþekktur fjöldi sem hefur smitast af veirunni án þess að vita af því.

Aðeins eru fimm dagar síðan Bandaríkin náðu öðrum skelfilegum áfanga í tengslum við heimsfaraldurinn en þá var búið að skrá rúmlega 400.000 dauðsföll af völdum veirunnar.

Biden vill láta bólusetja 100 milljónir manna á fyrstu 100 dögum sínum í embætti en rúmlega 330 milljónir búa í landinu. Hann hefur einnig hvatt landsmenn til að nota andlitsgrímur þessa 100 daga. Að auki þrýstir hann mjög á þingið að samþykkja hjálparpakka upp á 1.900 milljarða dollara. Hluta af þessu fé á að nota til að greiða fyrir enn fleiri bólusetningar á næstu mánuðum.

Eins og víða annars staðar er ákveðið kapphlaup við að bólusetja sem flesta áður en veiran stökkbreytist hugsanlega og myndar meira þol gegn bóluefnum. „Stökkbreyttu afbrigðin eru mikið áhyggjuefni,“ sagði Vivek Murthy, sem Biden hefur tilnefnt í embætti landlæknis. „Við verðum að aðlaga okkur og vera einu skrefi á undan,“ sagði hann einnig.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Ný rannsókn – Öfgasinnað fólk á erfiðara með að leysa flókin verkefni

Ný rannsókn – Öfgasinnað fólk á erfiðara með að leysa flókin verkefni
Pressan
Fyrir 2 dögum

Segja að stefna Trump í umhverfismálum hafi kostað mörg þúsund mannslíf

Segja að stefna Trump í umhverfismálum hafi kostað mörg þúsund mannslíf
Pressan
Fyrir 3 dögum

Sjáðu myndbandið: Sleppti börnunum fram af þriðju hæð

Sjáðu myndbandið: Sleppti börnunum fram af þriðju hæð
Pressan
Fyrir 3 dögum

Finnar grípa til harðra sóttvarnaaðgerða

Finnar grípa til harðra sóttvarnaaðgerða
Pressan
Fyrir 3 dögum

Tæplega helmingur kjósenda Trump mun styðja hann í nýjum flokki

Tæplega helmingur kjósenda Trump mun styðja hann í nýjum flokki
Pressan
Fyrir 3 dögum

Greip þá glóðvolga í trekanti

Greip þá glóðvolga í trekanti