fbpx
Laugardagur 28.maí 2022
Pressan

Skimuðu 11 milljónir íbúa Wuhan á nokkrum dögum – 37 voru smitaðir af kórónuveirunni og með einkenni

Kristján Kristjánsson
Mánudaginn 9. ágúst 2021 06:59

Kórónuveiran kom fyrst fram í Wuhan í Kína. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Í kjölfar þess að fyrsta kórónuveirusmitið í rúmlega eitt ár fannst í Wuhan í Kína var gripið til umfangsmikilla aðgerða. Á nokkrum dögum fóru 11 milljónir borgarbúa i skimun. Hún hófst á þriðjudaginn eftir að sjö farandverkamenn greindust með veiruna.

Í gær tilkynntu borgaryfirvöld að búið væri að taka sýni úr nær öllum 11 milljónum borgarbúa nema börnum yngri en sex ára og námsmönnum sem eru að heiman. 37 greindust með veiruna og voru með sjúkdómseinkenni. 41 til viðbótar greindist með veiruna en voru ekki með nein sjúkdómseinkenni. Xinhua fréttastofan skýrir frá þessu.

28.000 heilbrigðisstarfsmenn sáu um sýnatökuna sem fór fram á 2.800 stöðum í borginni.

Kínverjar takast nú á við faraldra víða um land og reyna að hemja þá. Það er hið bráðsmitandi Deltaafbrigði sem herjar á borgir og bæi. Milljónum manna hefur verið skipað að halda sig heima og meðal annars hefur heilu hverfunum í Peking verið lokað og fólki meinað að yfirgefa þau.

Fyrirhugað er að vera með umfangsmiklar skimanir í mörgum borgum og bæjum á næstu dögum.

Kórónuveiran kom fyrst fram í Wuhan í árslok 2019 og síðan breiddist hún út um heiminn.

Kínversk yfirvöld segja að 4.848 hafi látist af völdum COVID-19 í landinu en á heimsvísu hafa rúmlega fjórar milljónir látist. Margir sérfræðingar segja að hin lága dánartíðni í Kína sé einfaldlega ekki rétt, yfirvöld reyni að leyna raunverulegum fjölda látinna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 4 dögum

Norðurkóresk yfirvöld segjast hafa náð stjórn á kórónuveirufaraldrinum

Norðurkóresk yfirvöld segjast hafa náð stjórn á kórónuveirufaraldrinum
Pressan
Fyrir 4 dögum

Segir að apabóla sé „sérstaklega ógeðsleg“

Segir að apabóla sé „sérstaklega ógeðsleg“
Pressan
Fyrir 4 dögum

Segja þetta ástæðu útbreiðslu apabólunnar

Segja þetta ástæðu útbreiðslu apabólunnar
Pressan
Fyrir 4 dögum

Fyrsti rússneski hermaðurinn til að vera sakfelldur fyrir stríðsglæp í Úkraínu

Fyrsti rússneski hermaðurinn til að vera sakfelldur fyrir stríðsglæp í Úkraínu
Pressan
Fyrir 5 dögum

Var við dauðans dyr eftir notkun eyrnapinna

Var við dauðans dyr eftir notkun eyrnapinna
Pressan
Fyrir 5 dögum

Gerði skelfilega uppgötvun í bílnum sínum

Gerði skelfilega uppgötvun í bílnum sínum