Í síðustu viku fannst Clara Inés Tobón, 79 ára, látin í íbúð sinni í Madrid á Spáni. Fimm af sjö köttum hennar höfðu þá líklega  étið hluta af líki hennar en búið var að éta efri hluta líkamans.

El Mundo segir að nú sé verið að rannsaka nánar hvort kettirnir fimm hafi étið líkið.

Tobón bjó ein með sjö köttum í íbúðinni. Talið er að hún hafi látist fyrir þremur mánuðum. Nágrannar hennar segja að hún hafi lengi glímt við veikindi og hafi hugsanlega smitast af kórónuveirunni. Í lokin fór mjög slæm lykt að berast frá íbúð hennar og fór nágrannana þá að gruna að hún væri látin.

Tobóns flutti inn í íbúðina, sem er í miðborg Madrid, 1996. Hún er frá Kólumbíu og þar búa allir ættingjar hennar. Hún giftist aldrei og eignaðist ekki börn. Einu vinir hennar voru nágrannarnir í stigaganginum.

Nýlega fóru íbúar í fjölbýlishúsinu að taka eftir ýmsu sem benti til að hún væri látin. Ekki var svarað þegar dyrabjöllunni var hringt og póstkassinn var ekki tæmdur. Þeir hugsuðu með sér að hugsanlega væri hún á sjúkrahúsi.

Að lokum voru það flugurnar og óþefurinn sem hringdu viðvörunarbjöllum hjá nágrönnunum. „Stundum er slæm lykt frá köttunum eða frá matarkössunum sem eru hér en að þessu sinni var lyktin öðruvísi,“ sagði einn af nágrönnunum.