fbpx
Þriðjudagur 29.september 2020
Pressan

Gagnrýnir Trump fyrir „viðbjóðslega lygi“

Kristján Kristjánsson
Laugardaginn 15. ágúst 2020 18:30

Trump og Biden. Mynd/samsett Getty

Ekki missa af Helstu tíðindum dagsins í pósthólfið þitt

Lesa nánar

Joe Biden, forsetaframbjóðandi Demókrata, gagnrýndi í gær það sem hann sagði „viðbjóðslega lygi“ Donald Trump um Kamala Harris, varaforsetaefni Biden. Málið snýst um að á fréttamannafundi á fimmtudaginn ræddi Trump um samsæriskenningu um að Harris sé ekki kjörgeng.

„Ég heyrði í dag að hún uppfylli ekki kröfurnar.“

Sagði Trump á fréttamannafundi og vísaði þar til greinar eftir íhaldssaman lagaprófessor sem heldur því fram að Harris sé ekki kjörgeng því foreldrar hennar hafi ekki verið bandarískir ríkisborgarar þegar hún fæddist. Móðir hennar er frá Indlandi og faðir hennar frá Jamaíka. Óumdeilt er að hún fæddist í Oakland í Kaliforníu.

Bandaríska stjórnarskráin kveður á um að allir bandarískir ríkisborgarar, sem hafa náð 35 ára aldri, geti orðið forsetar eða varaforsetar ef þeir fæddust í Bandaríkjunum.

Andrew Bates, talsmaður Biden, sagði í gær að Trump reyni nú að kynda undir kynþáttahatri og deilum og kljúfa þjóðina. Hann tengdi þetta við að árið 2016 hélt Trump því á lofti að Barack Obama, þáverandi forseti, hefði ekki fæðst í Bandaríkjunum. Trump varð síðar að draga í land með þetta og játa að Obama væri fæddur í Bandaríkjunum.

„Það kemur því ekki á óvart, þrátt fyrir að það sé enn jafn viðbjóðslegt, að framboð Trump grípi til svona aumra lyga á sama tíma og hann gerir sjálfan sig að athlægi í tilraunum sínum til að beina athygli almennings frá misheppnuðum viðbrögðum hans við kórónuveirufaraldrinum.“

Sagði Bates.

Laurence H. Tribe, prófessor í stjórnarskrárétti við Harvard Law School, sagði við New York Time að það sé „algjört bull“ að Harris sé ekki kjörgeng.

„Ég hafði ekki einu sinni hugsað mér að tjá mig um þetta, því þetta er svo heimskuleg kenning sem á ekki við nein rök að styðjast.“

Sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

89 ára pizzusendill fékk óvænta sendingu – „Hvernig get ég þakkað ykkur?“

89 ára pizzusendill fékk óvænta sendingu – „Hvernig get ég þakkað ykkur?“
Pressan
Í gær

Fundu „risarottu“ í holræsinu

Fundu „risarottu“ í holræsinu
Pressan
Í gær

Ætla að banna sölu bensínbíla í Kaliforníu

Ætla að banna sölu bensínbíla í Kaliforníu
Pressan
Í gær

Norðurheimskautið verður sífellt grænna – Hefur áhrif á dýr og gróður

Norðurheimskautið verður sífellt grænna – Hefur áhrif á dýr og gróður
Pressan
Fyrir 3 dögum

Fyrrum þingmaður Bandaríkjaþings virðist hafa fengið heilablóðfall í beinni útsendingu

Fyrrum þingmaður Bandaríkjaþings virðist hafa fengið heilablóðfall í beinni útsendingu
Pressan
Fyrir 3 dögum

15 milljónir manna eru á flótta undan veðri, engisprettum og átökum

15 milljónir manna eru á flótta undan veðri, engisprettum og átökum
Pressan
Fyrir 4 dögum

Metfjöldi kórónuveirusmita á einum sólarhring í Bretlandi og Frakklandi

Metfjöldi kórónuveirusmita á einum sólarhring í Bretlandi og Frakklandi
Pressan
Fyrir 4 dögum

Leystu eitt umtalaðasta morðmál Ástralíu

Leystu eitt umtalaðasta morðmál Ástralíu