Samkvæmt nýju lagafrumvarpi, sem hefur verið lagt fyrir rússneska þingið, verður rússneskum stjórnvöldum gert kleift að réttlæta hernaðaraðgerðir erlendis undir því yfirskini að þær séu til að vernda rússneska ríkisborgara.

Hugveitan The Institute for the Study of War skýrir frá þessu.

Frumvarpið kemur fram á sama tíma og ESB vinur að því að setja á laggirnar sérstakan dómstól sem á að rétta yfir rússneskum leiðtogum fyrir þeirra þátt í stríðinu í Úkraínu.

Sérfræðingar segja að lögunum sé ætlað að senda umheiminum og rússnesku þjóðinni, þau skilaboð að Rússar séu sterkir og hugsi um sitt fólk, jafnt innanlands sem utan.

Í augum umheimsins getur þetta virst vera tilraun til að kúga önnur lönd og fá þau til að halda aftur af sér við að handtaka og rétta yfir rússneskum ríkisborgurum.

Skilaboðin til Rússa eru að Rússland passi þá og muni ekki skilja þá eftir í löndum sem Rússar viðurkenna ekki dómstólana í.

Sérfræðingar efast þó um áhrif laganna í raunveruleikanum því þrátt fyrir að Rússland sé einræðisríki verði að teljast ólíklegt að árás verði gerð á annað land ef rússneskur ríkisborgari sé þar í haldi.