fbpx
Fimmtudagur 13.ágúst 2020
Pressan

Biden veitist að Trump – „Hann verður að hætta að tala um klikkuðu konuna“

Kristján Kristjánsson
Föstudaginn 31. júlí 2020 08:00

mynd/samsett Getty

Ekki missa af Helstu tíðindum dagsins í pósthólfið þitt

Lesa nánar

Fyrr í vikunni sagði Donald Trump, Bandaríkjaforseti, að hin umdeilda Stella Immanuel væri „mikilvæg rödd“. Þetta er Joe Biden, sem keppir við Trump um forsetaembættið, ekki sáttur við.

Immanuel staðhæfir að henni hafi tekist vel að meðhöndla COVID-19 sjúklinga með malaríulyfinu hydroksyklorokin sem Trump hefur sagt að komi í veg fyrir COVID-19 smit. Þessu eru sérfræðingar ósammála og benda á að ekkert styðji þessar fullyrðingar Trump.

Á þriðjudaginn endurtísti Trump myndbandi þar sem Immanuel sagði að hægt sé að lækna fólk af kórónuveirusmiti og að það sé ónauðsynlegt og hættulegt að reyna að stöðva útbreiðslu veirunnar. Hún lagði ekki fram nein gögn til að styðja þessar fullyrðingar sínar.

Í myndbandinu segir Immanuel, sem er barnalæknir í Houston, að hún hafi meðhöndlað 350 COVID-19 sjúklinga með hydrokloksyklorokin með góðum árangri. Hún neitar hins vegar að leggja fram gögn þessu til sönnunar. Í myndbandinu kallar hún lækna sem neita að gefa sjúklingum lyfið „góða nasista“ og „falska lækna“.

Twitter fjarlægði myndbandið fljótlega því það brýtur gegn reglum miðilsins um dreifingu falskra upplýsinga um COVID-19. Trump er ekki sömu skoðunar og Twitter og segir Immanuel vera „mjög aðdáunarverða“ og „mikilvæga rödd“.

Stella Immanuel. Mynd:Facebook

Joe Biden er ekki sáttur við þessi orð forsetans og aðdáun hans á Immanuel og telur hana vera klikkaða. NBC News skýrir frá þessu.

Á netfundi með UnidosAS Action Fund, sem eru samtök sem vinna að auknum áhrifum fólks frá Latnesku-Ameríku í bandarískum stjórnmálum, var Biden spurður um viðbrögð hans við ítrekuðum tilraunum Trump til að láta opinbera skóla hefja kennslu á nýjan leik án þess að gera viðeigandi ráðstafanir til að vernda börn og starfsfólk.

Biden sagði að Trump ætti „að hætta að tísta og byrja að gera eitthvað“ og „hætta að tala um þessa klikkuðu konu“.

Immanuel er mjög umdeild en auk þess að vera læknir er hún prestur og stofnandi „Fire Power Ministries“ safnaðarins í Houston. Hún hefur nýtt prestsembættið til að kynna margar af samsæriskenningum sínum um læknisfræði. Hún heldur því meðal annars fram að DNA úr geimverum sé notað við lækningar og að vísindamenn hafi gert bóluefni sem kemur í veg fyrir að fólk sé trúað. BBC skýrir frá þessu.

Hún segir einnig að sjúkdómar eigi upptök sín hjá nornum og djöflum og að djöflarnir stundi kynlíf með mannfólki.

„Þeir breyta sér í konur, sofa hjá körlum og safna sæði þeirra. Síðan breyta þær sér í menn, sofa með konum og fjölga sér.“

Hefur hún sagt. Hún hefur einnig sagt að hjónabönd samkynhneigðra geti valdið því að fullorðnir giftist börnum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Pressan
Í gær

97.000 börn smituðust af kórónuveirunni á tveimur vikum í Bandaríkjunum

97.000 börn smituðust af kórónuveirunni á tveimur vikum í Bandaríkjunum
Pressan
Í gær

Ráðgátan um hótunarbréfið – Telja mikilvægan hlut vanta á það

Ráðgátan um hótunarbréfið – Telja mikilvægan hlut vanta á það
Pressan
Fyrir 2 dögum

Trump segir það góða hugmynd að andliti hans verði bætt við Mount Rushmore

Trump segir það góða hugmynd að andliti hans verði bætt við Mount Rushmore
Pressan
Fyrir 2 dögum

Forsetar á reiðhjólum – Skrautleg saga reiðhjólsins í Hvíta húsinu

Forsetar á reiðhjólum – Skrautleg saga reiðhjólsins í Hvíta húsinu
Pressan
Fyrir 3 dögum

Sakaður um að drepa nágranna sinn til að verða frægur á TikTok

Sakaður um að drepa nágranna sinn til að verða frægur á TikTok
Pressan
Fyrir 4 dögum

Sex dularfull mannshvörf frá sama smábænum – Tvær fundist en lögreglan gefur ekkert upp

Sex dularfull mannshvörf frá sama smábænum – Tvær fundist en lögreglan gefur ekkert upp
Pressan
Fyrir 5 dögum

Staðfest að starfsmenn Trumps aðstoða Kanye West við framboð sitt – „No comment“ segir lögmaður Trumps

Staðfest að starfsmenn Trumps aðstoða Kanye West við framboð sitt – „No comment“ segir lögmaður Trumps
Pressan
Fyrir 5 dögum

Indland er þriðja landið þar sem kórónuveirusmit eru orðin fleiri en tvær milljónir

Indland er þriðja landið þar sem kórónuveirusmit eru orðin fleiri en tvær milljónir