fbpx
Laugardagur 15.ágúst 2020
Pressan

Trump vill fresta forsetakosningunum – „Mission impossible“

Kristján Kristjánsson
Fimmtudaginn 30. júlí 2020 14:56

Ekki missa af Helstu tíðindum dagsins í pósthólfið þitt

Lesa nánar

Donald Trump, Bandaríkjaforseti, viðraði þá hugmynd á Twitter fyrr í dag að forsetakosningunum, sem eiga að fara fram 3. nóvember næstkomandi verði frestað. Hann færir þau rök fyrir þessu að það bjóði hættunni heim á kosningasvindli ef fólk fær að kjósa bréfleiðis vegna heimsfaraldurs kórónuveirunnar.

„Frestum kosningunum til að fólk geti kosið almennilega, örugglega og áreiðanlega???“

Eitthvað á þessa leið skrifaði hann á Twitter og sló því föstu að hættan á kosningasvindli sé mikil og verði til þess að kosningarnar verði þær vafasömustu í sögu Bandaríkjanna.

Markmiðið með því að varpa þessari hugmynd fram er líklega að reyna að virkja stuðningsmenn á erfiðum tíma þar sem Joe Biden, andstæðingur hans í kosningunum í haust, mælist með allt að 10 prósentustiga forskot á Trump.

En segja má að Trump sé hér að takast á hendur „Mission impossible“ svo vísað sé í hasarmyndirnar góðkunnu með Tom Cruise í aðalhlutverkum. Ástæðan er að þingið þarf að samþykkja frestun á kosningum. Demókratar eru með meirihluta í fulltrúadeildinni og þeim mun væntanlega ekki hugnast að fresta kosningunum.

Samkvæmt lögum frá 1845 á að kjósa forseta fyrsta þriðjudaginn í nóvember fjórða hvert ár. Í ár fellur þessi dagur á 3. nóvember. Það þarf meirihluta í báðum deildum þingsins til að breyta þessum lögum og eins og fyrr sagði eru Demókratar í meirihluta í fulltrúadeildinni og geta því stöðvað slíkar tillögur.

En ef svo færi að þeir myndu samþykkja þetta þá er aðeins hægt að fresta kosningunum í skamman tíma því stjórnarskráin kveður á um að kjörtímabil forseta megi aðeins vara í fjögur ár. Það þýðir að 20. janúar 2021 rennur kjörtímabil Trump út og hann getur ekki setið áfram á forsetastóli nema hann nái endurkjöri. Frestun kosninga breytir engu um þetta.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fyrir 2 dögum

Norðurá stórfljót yfir að líta eftir sanslausar rigningar

Norðurá stórfljót yfir að líta eftir sanslausar rigningar
Pressan
Fyrir 2 dögum

Gleraugu Gandhi á uppboði – Gætu selst á 2,6 milljónir

Gleraugu Gandhi á uppboði – Gætu selst á 2,6 milljónir
Pressan
Fyrir 2 dögum

Ótrúleg uppgötvun – „Þau fullkomnustu sem ég hef séð á ferlinum“

Ótrúleg uppgötvun – „Þau fullkomnustu sem ég hef séð á ferlinum“
Pressan
Fyrir 2 dögum

Setja tveggja ára gamlar flugvélar í geymslu í eyðimörkinni

Setja tveggja ára gamlar flugvélar í geymslu í eyðimörkinni
Pressan
Fyrir 3 dögum

Nýir húseigendur ætluðu að koma lúxuseigninni í gott stand – Gerðu óhugnanlega uppgötvun í kjallaranum

Nýir húseigendur ætluðu að koma lúxuseigninni í gott stand – Gerðu óhugnanlega uppgötvun í kjallaranum
Pressan
Fyrir 3 dögum

Þess vegna vill fólk ekki að aðrir sjái það stunda kynlíf

Þess vegna vill fólk ekki að aðrir sjái það stunda kynlíf
Pressan
Fyrir 4 dögum

97.000 börn smituðust af kórónuveirunni á tveimur vikum í Bandaríkjunum

97.000 börn smituðust af kórónuveirunni á tveimur vikum í Bandaríkjunum
Pressan
Fyrir 4 dögum

Ráðgátan um hótunarbréfið – Telja mikilvægan hlut vanta á það

Ráðgátan um hótunarbréfið – Telja mikilvægan hlut vanta á það