fbpx
Laugardagur 15.ágúst 2020
Pressan

Uppvakningaeldar og gríðarlegur hiti ógna norður Síberíu

Kristján Kristjánsson
Föstudaginn 26. júní 2020 05:40

Sífreri í Síberíu.

Ekki missa af Helstu tíðindum dagsins í pósthólfið þitt

Lesa nánar

Nú er óvenjulega heitt í norður Síberíu, hitinn á svæðinu er búinn að vera óvenjuhár í langan tíma. Sums staðar hefur hitinn verið tíu gráðum hærri en í venjulegu árferði. Í bænum Verkhojansk, sem norðan heimskautsbaugs, mældist nýlega 38 stiga hiti. Hitatölurnar hafa ekki enn verið staðfestar af Alþjóðaveðurfræðistofnuninni, ef stofnunin staðfestir mælinguna verður þetta mesti hiti sem mælst hefur fyrir norðan heimskautsbaug.

Hitinn í norður Síberíu hefur verið mun hærri en venjulega síðan í desember/janúar. Samkvæmt Martin Stendel, loftlagssérfræðingi hjá dönsku veðurstofunni er það afar óvenjulegt að svo heitt sé á svæðinu í svo langan tíma. Þrátt fyrir að oft verði miklar hitasveiflur í Síberíu, bæði á milli mánaða og á milli ára, er ástandið nú mjög óvenjulegt. Martin segir enn fremur að breytingarnar á veðurfarinu undanfarna mánuði séu það miklar að ólíklegt megi telja að þær hefðu átt sér stað án loftslagsbreytinganna.

Uppvakningaeldar liggja og krauma

Maí mánuður í ár var sá heitasti sem mælst hefur í heiminum og þetta ár gæti orðið óvenjulega hlýtt. Árið 2020 gæti orðið eitt af hlýjustu árum sem mælst hafa, jafnvel það hlýjasta. Í allan vetur hefur verið hæð yfir Síberíu, en henni hafa fylgt heitir vindar. Á svæðum í Síberíu, sem yfirleitt eru þakin snjó langt fram í maí, hefur allan snjó tekið upp fyrir löngu.

Þetta hefur það í för með sér að stór svæði túndru og skóglendis eru orðin mun þurrari en í venjulegu árferði, þar af leiðandi hafa orðið fleiri gróðureldar en venjulega. Í raun gætu eldarnir hafa kraumað mánuðum saman. Í Síberíu getur maður nefnilega upplifað svokallaða uppvakningaelda, það eru eldar sem slokkna ekki alveg, en geta haldið áfram að krauma undir yfirborðinu allan veturinn og geta svo skyndilega blossað upp aftur.

Gróðurhúsalofttegundir gætu sloppið undan sífreranum

Í Síberíu er að finna ein stærstu svæði sífrera í heiminum. Víða er sífrerinn mjög þykkur, en meðal annars í kringum Ural fjöllin og Yamal skagann, er hann mun þynnri. Þar er jarðvegurinn ekki lengur freðinn allt árið vegna hinna miklu hita sem verið hafa á svæðinu.

Hækkandi hitastig og gróðureldar geta valdið því að með tímanum þiðni þykkari lög af sífrera og þrátt fyrir að þróunin sé hæg getur þiðnum sífrerans haft alvarlegar afleiðingar fyrir loftslagið um allan heim. Undir sífreranum er mikið magn gróðurhúsalofttegunda, þar á meðal metangas og koltvísýringur. Það myndi hafa mjög alvarlegar afleiðingar um heim allan ef allar þessar lofttegundir myndu sleppa út í andrúmsloftið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Pressan
Fyrir 2 dögum

Rússneska bóluefnið var aðeins prófað á 76 manns

Rússneska bóluefnið var aðeins prófað á 76 manns
Pressan
Fyrir 2 dögum

Ein undarlegasta flugferðin sem farin hefur verið að undanförnu

Ein undarlegasta flugferðin sem farin hefur verið að undanförnu
Pressan
Fyrir 2 dögum

Hafa fundið kórónuveirutengdan sjúkdóm hjá 600 börnum

Hafa fundið kórónuveirutengdan sjúkdóm hjá 600 börnum
Pressan
Fyrir 3 dögum

Fyrstu kórónuveirusmitin á Nýja-Sjálandi eftir 102 smitlausa daga

Fyrstu kórónuveirusmitin á Nýja-Sjálandi eftir 102 smitlausa daga
Fyrir 3 dögum

Gleðin er það sem skiptir öllu máli

Gleðin er það sem skiptir öllu máli
Pressan
Fyrir 4 dögum

Lítill drengur fannst berfættur á götu úti – Óttast að móðurinni hafi verið rænt

Lítill drengur fannst berfættur á götu úti – Óttast að móðurinni hafi verið rænt
Pressan
Fyrir 4 dögum

Skotárás við Hvíta húsið á meðan Trump hélt blaðamannafund

Skotárás við Hvíta húsið á meðan Trump hélt blaðamannafund
Pressan
Fyrir 4 dögum

Aðeins helmingur Breta vill láta bólusetja sig gegn kórónuveirunni

Aðeins helmingur Breta vill láta bólusetja sig gegn kórónuveirunni