fbpx
Mánudagur 06.júlí 2020
Pressan

Maðurinn sem Bandaríkjamenn hata mest þessa dagana

Kristján Kristjánsson
Þriðjudaginn 2. júní 2020 07:00

Derek Chauvin. Mynd: EPA-EFE/RAMSEY COUNTY SHERIFF / HANDOUT

Ekki missa af Helstu tíðindum dagsins í pósthólfið þitt

Lesa nánar

Á mánudag í síðustu viku var lögreglan í Minneapolis í Bandaríkjunum send að verslun í borginni þar sem George Floyd, 46 ára þeldökkur tveggja barna faðir, var grunaður um að hafa reynt að greiða með fölsuðum 20 dollara seðli. Lögreglumaðurinn Derek Chauvin og þrír aðrir lögreglumenn höfðu afskipti af Floyd, sem var óvopnaður, leiddu hann að lögreglubílnum og lögðu í götuna. Floyd sýndi engan mótþróa en samt sem áður þrýsti Chauvin hné sínu að hálsi Floyd.

„Gerðu það, ég næ ekki andanum.“

Sagði Floyd ítrekað en Chauvin hlustaði ekki á það miðað við myndbandsupptöku af atburðinum.

Þegar sjúkrabíll kom á vettvang var hætt að heyrast í Floyd. Hann var úrskurðaður látinn við komuna á sjúkrahús.

Tíu mínútna löng upptaka af atburðinum fór fljótt á flug á samfélagsmiðlum og mikil reiði blossaði upp, ekki bara í Minneapolis heldur um öll Bandaríkin. Þetta var enn eitt málið þar sem hvítur lögreglumaður banaði svörtum manni.

Mótmælt hefur verið víða um Bandaríkin. Mynd:EPA-EFE/CRAIG LASSIG

Það var eins og bensíni hefði verið skvett á eld þegar upptakan birtist á samfélagsmiðlum, svo mikil varð reiði almennings. Undir kraumar áratuga ef ekki mörg hundruð ára misskipting og kynþáttahatur í garð litaðra í Bandaríkjunum. Þetta er mjög áþreifanlegt í Minneapolis þar sem skiptingin á milli hvítra og litaðra er mjög áberandi. Fram hefur komið í fjölmiðlum að meðallaun svartra í borginni séu aðeins um þriðjungur af meðallaunum hvítra. Kynþættirnir búa nánast í sínum eigin hverfum innan um fólk af sama litarhætti. Heimsfaraldur kórónuveirunnar spilar einnig inn í þetta því mikil fjöldi fólks hefur misst vinnuna og á það sérstaklega við um fólk í láglaunastörfum og þar eru svartir stór hluti. Þetta fólk á ekki til hnífs og skeiðar og mikil reiði kraumar undir vegna misskiptingarinnar í samfélaginu. Allt virðist þetta hafa losnað úr læðingi við morðið á Floyd og upp hófust mikil mótmæli í Minneapolis sem breiddust síðan út til annar ríkja og borga í Bandaríkjunum.

„Myrtu bróður minn“

Á þriðjudag í síðustu viku voru Chauvin og þrír starfsbræður hans reknir úr starfi og alríkislögreglan FBI hóf rannsókn á málinu.  Á föstudaginn var Chauvin handtekinn, grunaður um morð.

„Ég vil að þeir verði ákærðir fyrir morð, því það er það sem þeir eru sekir um. Þeir myrtu bróður minn á meðan hann hrópaði á hjálp.“

Sagði Bridgette Floyd, systir George Floyd, í samtali við NBC.

George Floyd

Reiði mótmælenda hefur í sífellt meiri mæli beinst að Chauvin sem starfaði sem lögreglumaður frá 2001 þar til í síðustu viku. Á þeim tíma hafa tugir mála er varða meint brot hans í starfi komið upp að sögn NBC News.

Fyrir tólf árum er hann sagður hafa ruðst inn á heimili Ira Latrell Toles, 21 árs, misþyrmt honum inni á baðherberginu og skotið hann í magann. Hann var ekki beittur neinum viðurlögum vegna þessa.

„Ef hann hefði verið látinn sæta viðurlögum þegar hann skaut mig væri George Floyd enn á lífi.“

Sagði Toles í samtali við The Daily Beast.

Á fimmtudaginn söfnuðust um 150 manns saman við heimili Chauvin og þurfti 75 lögreglumenn til að verja heimilið fyrir þeim.

Eins og DV skýrði frá á laugardaginn þá hefur eiginkona Chauvin nú yfirgefið hann og vill skilnað og jukust vandamál þessa mest hataða manns Bandaríkjanna því enn frekar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Er þetta heppnasti maður í heimi? Vann 555 milljónir á skafmiða í annað sinn

Er þetta heppnasti maður í heimi? Vann 555 milljónir á skafmiða í annað sinn
Pressan
Fyrir 3 dögum

British Airways segir 350 flugmönnum upp störfum

British Airways segir 350 flugmönnum upp störfum
Pressan
Fyrir 4 dögum

Fengu óhugnanleg skilaboð á pizzunni sinni

Fengu óhugnanleg skilaboð á pizzunni sinni
Pressan
Fyrir 5 dögum

Boris Johnson lofar Bretum miklum opinberum fjárfestingum

Boris Johnson lofar Bretum miklum opinberum fjárfestingum