Þetta sagði Biden í spjallþættinum „The Daily Show.
„Mesta áhyggjuefni mitt er að þessi forseti muni reyna að stela kosningunum.“
Sagði Biden meðal annars.
.@JoeBiden thinks Trump will try to steal the election and has an idea of what will happen if Trump loses and refuses to leave the White House. pic.twitter.com/rsy6EXTMhN
— The Daily Show (@TheDailyShow) June 11, 2020
Trump hefur aldrei gefið í skyn að hann munu fresta kosningunum, sem hann getur ekki gert að sögn sérfræðinga því stjórnarskráin er mjög skýr hvað varðar tímasetningu þeirra, eða neita að yfirgefa Hvíta húsið ef hann tapar.
Biden studdi mál sitt með að benda á að Trump hefur lýst andstöðu við að leyfa kjósendum að kjósa utan kjörfundar og hefur margoft sagt að hann sé sannfærður um að það leiði til kosningasvindls. Biden benti á að Trump kýs sjálfur utankjörstaða.
Þetta er ekki í fyrsta sinn sem Biden hefur lýst yfir áhyggjum af að Trump muni reyna að „stela kosningunum“ á einn eða annan hátt. Hann sagðist hafa hugleitt hvað myndi gerast ef Trump tapar og neitar að yfirgefa Hvíta húsið.
„Ég er algjörlega sannfærður um að þeir (herinn, innskot blaðamanns) munu þá bera hann út úr Hvíta húsinu.“
Tim Murtaugh, fjölmiðlafulltrúi kosningaframboðs Trump svaraði þessu á fimmtudaginn og sagði þetta bara vera enn eina heiladauða samsæriskenninguna frá Biden sem reyni að grafa undan kosningunum.
