fbpx
Þriðjudagur 24.nóvember 2020
Pressan

Telur að loftslagsbreytingarnar muni hrekja milljónir Bandaríkjamanna frá heimilum sínum

Kristján Kristjánsson
Mánudaginn 26. október 2020 19:30

Ekki missa af Helstu tíðindum dagsins í pósthólfið þitt

Lesa nánar

Árið 2018 fluttu 1,2 milljónir Bandaríkjamanna búferlum vegna loftslagsbreytinganna. Í mörgum skýrslum er því haldið fram að allt að helmingur Bandaríkjamanna verði fyrir miklum áhrifum af loftslagsbreytingunum á næstu árum og stafi ógn af þeim.

Síðustu 15 ár hefur um 430 milljörðum dollara verið varið til aðstoðar vegna náttúruhamfara. Þetta kemur fram í skýrslu frá bandarísku ríkisendurskoðuninni (GAO). Megnið af þessum peningum var notað til að reyna að koma hlutum í fyrra horf. En nú vill GAO breyta hugsanaganginum. Í stað þess að nota peninga til að byggja upp það sem eyðileggst verði þeir notaðir til að flytja fólk frá svæðum sem verða fyrir miklum áhrifum af loftslagsbreytingunum.

Bandaríkjamenn eru vanir náttúruhamförum. Til dæmis ríða mörgum sinnum fleiri skýstrókar yfir landið árlega en restina af heiminum.  Á síðustu árum hafa náttúruhamfarir í landinu orðið sífellt meiri og alvarlegri. Á þessu ári má nefna að í Phoenix í Arizona hefur hiti verið yfir 43,3 gráðum í 53 daga það sem af er ári. Fyrra met var 33 dagar á einu ári. Svo mörg óveðurskerfi hafa myndast á Atlantshafinu að erfitt hefur verið að finna nöfn fyrir þau öll. Í annað skipti í sögunni kláraðist stafrófið þegar kom að nafngiftum en venjan er að hver bókstafur sé notaður einu sinni. Í september var byrjað að notast við gríska stafrófið hvað varðar nöfn á fellibylji og hitabeltisstorma. Fimm af sex stærstu gróðureldunum í sögu Kaliforníu urðu á þessu ári sem er ekki enn liðið.

Ísinn á Suðurskautinu og Grænlandi bráðnar og það veldur hækkandi yfirborði sjávar. Rannsókn, sem birt var í Nature, sýnir að fram að næstu aldamótum gætu 13 milljónir Bandaríkjamanna þurft að flytja búferlum vegna hækkandi sjávarborðs. Tæplega helmingurinn býr í Flórída eða 6 milljónir. Louisiana, Kalifornía, New York og New Jersey munu einnig fara illa út úr þessu.

Í Suðurríkjunum getur svo farið að það verði svo heitt þar að þau verði nær óbyggileg fyrir fólk. Talið er að í Arizona geti hitinn í framtíðinni orðið hærri en 35 gráður helminginn af árinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fyrir 3 dögum

Aldrei sama vindáttin í nokkra daga

Aldrei sama vindáttin í nokkra daga
Pressan
Fyrir 3 dögum

Flugvallarstjóri telur að farþegar þurfi að fara í kórónuveirupróf næstu árin

Flugvallarstjóri telur að farþegar þurfi að fara í kórónuveirupróf næstu árin
Pressan
Fyrir 4 dögum

Endurtalningu er lokið í Georgíu – Úrslitin standa

Endurtalningu er lokið í Georgíu – Úrslitin standa
Pressan
Fyrir 4 dögum

Hörð gagnrýni á „The Crown“ – Segir að þættirnir stefni konungdæminu í hættu

Hörð gagnrýni á „The Crown“ – Segir að þættirnir stefni konungdæminu í hættu