fbpx
Laugardagur 31.október 2020
Pressan

Vildu semja um lausnargjaldið – Af hverju öll þessi símtöl?

Kristján Kristjánsson
Föstudaginn 29. maí 2020 05:45

Heimili Hagen-hjónanna.

Ekki missa af Helstu tíðindum dagsins í pósthólfið þitt

Lesa nánar

Nýjar upplýsingar koma stöðugt fram í máli Anne-Elisabeth Hagen sem hvarf frá heimili sínu í útjaðri Osló í lok október 2018. Síðan hefur ekkert til hennar spurst. Í vikunni skýrðu norskir fjölmiðlar frá því að meintir mannræningjar hafi viljað semja um upphæðina sem var krafist í lausnargjald. Þá hafa fjölmiðlar einnig fjallað um mikinn fjölda hringinga í síma Anne-Elisabeth mínúturnar áður en hún hvarf.

Í umfjöllun Dagbladet kemur fram að meintir mannræningjar hafi sett sig í samband við fjölskyldu Anne-Elisabeth síðasta sumar og haldið því fram að hún væri enn á lífi. Síðan hefur ekkert heyrst frá þeim. Lögmaður Hagen-fjölskyldunnar boðaði til fréttamannafundar og skýrði frá því að hinir meintu mannræningjar hefðu látið heyra í sér.

Á fréttamannafundinum sagði lögmaðurinn að það hafi komið skýrt fram hjá hinum meintu mannræningjum að Anne-Elisabeth væri á lífi. Þetta var skömmu eftir að lögreglan hafði tilkynnt að hún teldi enga von um að finna Anne-Elisabeth á lífi og að nú væri málið rannsakað sem morðmál.

Margir hafa furðað sig á tímasetningu þessarar tilkynningar frá fjölskyldunni og ekki dró úr vangaveltunum eftir að Tom Hagen, eiginmaður Anne-Elisabeth, var handtekinn grunaður um aðild að hvarfi hennar og jafnvel morði.

Dagbladet segir að í upphafi hafi 90 milljóna norskra króna verið krafist í lausnargjald en í samskiptunum við hina meintu mannræningja hafi þeir komið með nokkrar tillögur um upphæðina og hvernig væri hægt að greiða hana, jafnvel að hún yrði greidd í nokkrum afborgunum.

Dagbladet segir að ein þeirra upphæða, sem rædd var, hafi verið jafn há og sú upphæð sem Tom Hagen millifærði síðar í rafmyntinni Monero í þeirri von að lögreglan gæti rakið slóð peninganna og þannig komist að hver eða hverjir stóðu að baki hvarfi eiginkonu hans. Lögreglan, bæði sú norska og víða um heim, fylgdust með millifærslunni en tókst ekki að fylgja henni til móttakandans.

TV2 segir að það hafi einnig vakið athygli að daginn sem Anne-Elisabeth hvarf hafi verið hringt rúmlega tuttugu sinnum í síma hennar. Flestum hringingunum var ekki svarað. Nokkrar hringinganna þykja athyglisverðari en aðrar, þar á meðal sú næstsíðasta áður en Anne-Elisabeth hvarf. Þá ræddi hún við starfsmann eiginmanns síns, að sögn um launagreiðslur og tímaskráningar. Samtalið varði í um 10 mínútur og eftir það ræddi hún í síma við ættingja sinn, eftir það hvarf hún. Það símtal hófst klukkan 09.14 að morgni 31. október 2018. Klukkan 09.48 hringdi iðnaðarmaður í hana en hún svaraði ekki. Því næst reyndi ættingi hennar, sá sami og hún ræddi við klukkan 09.14, að hringja í hana en hún svaraði ekki.

TV2 segir að símtölin séu meðal þeirra mikilvægu þátta málsins sem lögreglan rannsakar. Í heildina var 14 hringingum í síma Anne-Elisabeth ekki svarað frá klukkan 09.14 til 14.10 þegar eiginmaður hennar hafði samband við lögregluna. Átta af hringingunum voru frá honum en hann segist hafa fyllst áhyggjum þegar hún svaraði ekki og hafi því flýtt sér heim til að kanna með hana. Hann liggur undir grun um að vera viðriðin hvarf hennar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Evrópulögreglan lýsir eftir hættulegustu kynferðisbrotamönnum álfunnar

Evrópulögreglan lýsir eftir hættulegustu kynferðisbrotamönnum álfunnar
Pressan
Í gær

Sjálfshjálpargúru dæmdur í 120 ára fangelsi

Sjálfshjálpargúru dæmdur í 120 ára fangelsi
Pressan
Fyrir 2 dögum

Var að undirbúa fríið þegar hún fékk hræðilegar fréttir – „Þetta er versta tegund svika“

Var að undirbúa fríið þegar hún fékk hræðilegar fréttir – „Þetta er versta tegund svika“
Pressan
Fyrir 2 dögum

Tvö ár frá hvarfi Anne-Elisabeth – „Allt bendir til að nokkrir hafi verið að verki“

Tvö ár frá hvarfi Anne-Elisabeth – „Allt bendir til að nokkrir hafi verið að verki“
Pressan
Fyrir 4 dögum

Opna verslanir og veitingastaði í Melbourne eftir 87 daga lokun

Opna verslanir og veitingastaði í Melbourne eftir 87 daga lokun
Pressan
Fyrir 4 dögum

Hæstiréttur tekur Glitnismál fyrir á nýjan leik – Hagsmunir hæstaréttardómara valda vafa um óhlutdrægni dómstólsins

Hæstiréttur tekur Glitnismál fyrir á nýjan leik – Hagsmunir hæstaréttardómara valda vafa um óhlutdrægni dómstólsins