Mótmælendur blésu í flautur og hrópuðu á þingfundi um þrjúleytið í dag til að mótmæla frumvarpi dómsmálaráðherra um brottfararstöðvar.

Grímur Grímsson, þingmaður Viðreisnar, hafði nýlokið framsögu á málinu þegar Snorri Másson, þingmaður Miðflokksins, ætlaði að taka til máls en gat lítið sagt vegna látanna. Ingvar Þóroddsson, þingmaður Viðreisnar, sem stýrði þingfundi gerði hlé á þingfundinum. Lítið heyrðist í Ingvari en hann heyrist segja: „Það er gert hlé á þessum fundi,“ áður en slökkt var á útsendingu.

Upptaka af atvikinu er aðgengileg hér á vef RÚV en ljóst er að bæði Snorra og Ingvari krossbrá þegar lætin hófust.