Kostnaður við ólögbundna starfshópa sem Guðlaugur Þór Þórðarson, fyrrverandi umhverfis-, orku- og loftslagsráðherra skipaði var að minnsta kosti 174 milljónir króna á árunum 2022 til 2024. Nokkrir hóparnir eru enn þá starfandi og endanlegur kostnaður liggur því ekki fyrir.
Alls er um að ræða 34 starfshópa og stýrihópa, sá fyrsti skipaður 11. janúar árið 2022. Nýjasti hópurinn mun starfa til ársins 2028. Sumir hóparnir hafa ekki skilað af sér skýrslu þó að áætluð tímamörk séu liðin.
Í umræddum starfshópum má meðal annars finna nöfn þekktra flokksgæðinga Sjálfstæðisflokksins. Svo sem Guðrúnu Hafsteinsdóttur, formann flokksins, Diljá Mist Einarsdóttur þingmann, fyrrverandi þingmennina Ásmund Friðriksson og Drífu Hjartardóttur og Árna Sigfússon fyrrverandi borgarstjóra og bæjarstjóra í Reykjanesbæ.
Kostnaður við hópana er mjög mismunandi. Rekstur þess ódýrasta kostaði ekki nema rúmar 33 þúsund krónur. Sá dýrasti hingað til var hins vegar þúsund falt dýrari og kostaði rúmlega 33 milljónir króna. Kostnaðurinn dekkar gjaldfærðan kostnað vegna þóknana nefndarmanna, aðkeypta sérfræðivinnu og annan kostnað.
Starfshópur um gerð grænbókar um stöðu og áskoranir í orkumálum – 11.1.2022 – 8.258.739
Starfshópur um raforkuöryggi – 14.1.2022 – 33.257
Stýrihópur vegna verndarsvæðis Breiðafjarðar – 3.3.2022 – 996.147
Starfshópur um þjóðgarða og friðlýst svæði – 6.5.2022 – 5.159.620
Starfshópur um málefni vindorku – 11.7.2022 – 33.162.795
Starfshópur um endurmat á kerfi framlengdrar framleiðendaábyrgðar hér á landi – 5.10.2022 -2.873.033
Starfshópur um vindorkuver á hafi í lögsögu Íslands – 19.8.2022 – 4.009.591
Stjórn samráðsvettvangs um þekkingarsköpun vegna áhrifa loftslagsbreytinga – 9.9.2022 – Liggur ekki fyrir
Stýrihópur vegna landsáætlunar um aðlögun að loftslagsbreytingum – 5.10.2022 – 18.409.235
Starfshópur um endurskoðun á lögum um hollustuhætti og mengunarvarnir – 18.10.2022 – 3.310.250
Starfshópur um innleiðingu hringrásarhagkerfis – 21.10.2022 – 5.767.240
Stýrihópur um eflingu umhverfis- og loftslagsvænna nýfjárfestinga – Græni dregillinn – 8.11.2022 – Liggur ekki fyrir
Starfshópur um tillögur að aðgerðum sem heyra undir málefnasvið umhverfis-, orku- og loftslagsráðuneytisins og stuðlað geta að efllingu samfélagsins á Vestfjörðum – 5.12.2022 – 5.130.111
Starfshópur um stöðu minjaverndar – 10.1.2023 – 125.881
Starfshópur um orkuskipti í flugi – 17.2.2023 – 8.833.336
Starfshópur um eflingu samfélags í Vestmannaeyjum – 24.2.2023 – 1.589.233
Starfshópur um aðra orkukosti – 28.2.2023 – 4.589.871
Starfshópur um þátttöku íslenskra fyrirtækja og ríkisins á mörkuðum með kolefniseiningar – 18.4.2023 – 6.372.846
Starfshópur um eflingu samfélags á Langanesi – 24.5.2023 – 84.000
Stýrihópur um undirbúning tilnefningar – Man and Biosphere – 6.9.2023 – 5.550.000
Starfshópur um starfsumgjörð fyrirtækja á orkumarkaði út frá samkeppnishæfni, orkunýtingu og orkuskiptum. – 14.9.2023 – 7.114.070
Starfshópur um uppfærslu aðgerðaáætlunar í loftslagsmálum – 4.10.2023 – Liggur ekki fyrir
Starfshópur um eflingu samfélags í Dalabyggð – 3.11.2023 – 3.461.078
Starfshópur ráðuneyta um hagsmunagæslu í tengslum við uppfærslu loftslagsmarkmiða – 28.11.2023 – Enn þá starfandi
Stýrihópur vegna gerð stefnu um líffræðilega fjölbreytni – 10.1.2024 – Liggur ekki fyrir
Starfshópur um endurskoðun laga um verndar- og orkunýtingaráætlun – 26.1.2024 – 23.526.855
Starfshópur um heilbrigðiseftirlitskerfi og matvæli – 17.5.2024 – 25.947.350
Stýrihópur um mótun tillagna að nýtingu sveigjanleikaákvæða vegna skuldbindinga Íslands gagnvart ESB í loftslagsmálum og mögulegum kaupum og sölu á losunarheimildum – 28.6.2024 – Enn þá starfandi
Starfshópur um undirbúning að stofnun þjóðgarðs í Þórsmörk – 3.7.2024 – Liggur ekki fyrir
Stýrihópur vegna sameininga stofnana ráðuneytisins – 9.7.2024 – Liggur ekki fyrir
Starfshópur um endurskoðun laga um Úrvinnslusjóð – 13.8.2024 – Enn þá starfandi, átti að skila skýrslu í maí
Starfshópur um orkuskipti i almenningssamgöngum – 10.9.2024 – Liggur ekki fyri
Starfshópur um starfsumhverfi jarðhitavinnslu – 30.9.2024 – Enn þá starfandi
Stýrihópur um eftirfylgni loftgæðaáætlunar 2025-2028 (endurskipan) – 4.4.2025 – Enn þá starfandi
