Tveir bílar sem komu úr gagnstæðri átt skullu saman á Holtavörðuheiði um klukkan 16 í dag. Annar þeirra lenti utan vegar.

Tvær þyrlur Landhelgisgæslunnar voru ræstar út til þess að nát í fólk á vettvangi. Tveir voru í annarri bireiðinni en fimm í hinni.

Holtavörðuheiðinni hefur verið lokað í báðar áttir og búist er við því að vegurinn verði lokaður í nokkrar klukkustundir. Vegfarendum er bent á hjáleiðir um Bröttubrekku og Laxárdalsheiði.

Lögreglan á Norðurlandi vestra vinnur að vettvangsrannsókn. Ekki verða veittar frekari upplýsingar að svo stöddu.

Holtavörðuheiðin var opnuð aftur klukkan 20:00.

Fréttin hefur verið uppfærð.