fbpx
Föstudagur 12.ágúst 2022
Fréttir

Wagner-hópur Pútíns og vina hans virðist hafa náð árangri í Donbas – Segir ákveðna sögu um stöðu mála hjá Pútín

Kristján Kristjánsson
Fimmtudaginn 28. júlí 2022 08:00

Yevgeny Prigozhin er eigandi Wagner Group.

Ekki missa af Helstu tíðindum dagsins í pósthólfið þitt

Lesa nánar

Breska varnarmálaráðuneytið telur að Wagner-hópurinn hafi náð ákveðnum árangri í Donbas. Um her málaliða er að ræða og reynir hann að láta lítið fyrir sér fara opinberlega en er þekktur fyrir mikla grimmd og fólskuverk.

Frá upphafi innrásar Rússa í Úkraínu hafa vangaveltur verið uppi um áhrif og hlutverk hópsins í stríðinu. Nú virðist hann hafa náð ákveðnum árangri og virðist hafa náð Vuhlehirska orkuverinu í Donbas á sitt vald að sögn breska varnarmálaráðuneytisins.

Wagner-hópurinn er rekinn af rússnesku fyrirtæki sem er stýrt af Yevgeny Prigozhin sem er náinn vinur Vladímír Pútíns en Pútín hefur tryggt honum mikinn auð með því að eftirláta honum að sjá rússneska hernum fyrir mat. Að auki er talið að rússneska ríkið kaupi þjónustu af Wagner-hópnum.

Pútín hefur ítrekað þvertekið fyrir að yfirvöld notist við hópinn en fáum dylst að ráðamenn í Kreml stýra honum og aðgerðum hans.

Jótlandspósturinn hefur eftir Flemming Splidsboel, sérfræðingi hjá Institut for Internationale Studier, að engin rússnesk löggjöf nái yfir starfsemi fyrirtækis af þessu tagi og það séu í raun rússnesk yfirvöld sem stýri hópnum. „Wagner starfar ekki upp á eigin spýtur, bara ef rússnesk yfirvöld samþykkja verkefnin,“ sagði hann.

Aðspurður sagði hann að liðsmenn Wagner-hópsins séu líklega betri hermenn en margir þeirra sem gegna herþjónustu í rússneska hernum. Liðsmenn hópsins komi venjulega úr hernum og almennt hafi liðsmenn hans hlotið betri þjálfun, séu með betri búnað og hafi meiri reynslu en venjulegir liðsmenn sjálfs rússneska hersins.

Hvað varðar notkun Rússa á Wagner-hópnum í Úkraínu og hvað það þýði sagði Splidsboel að það segi að Rússar séu undir þrýstingi. Það sé deilt um það innbyrðis í Rússlandi hvaða hlutverki Wagner eigi að gegna. „Ég ímynda mér að Pútín hafi á einhverjum tímapunkti fundað með hershöfðingjunum og sagt að ef þeir geti ekki sjálfir séð um þetta sé hægt að kalla Wagner-hópinn til. Það er svolítið högg fyrir herinn,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Fordæma netárás og hótanir í garð Fréttablaðsins – „Alvarleg tilraun til að hafa áhrif á sjálfstæða ritstjórn íslensks fjölmiðils“

Fordæma netárás og hótanir í garð Fréttablaðsins – „Alvarleg tilraun til að hafa áhrif á sjálfstæða ritstjórn íslensks fjölmiðils“
Fréttir
Fyrir 22 klukkutímum
Þriðja bílaapótekið
Fréttir
Í gær

Sölvi Tryggvason á fulla ferð að nýju – Birtir fjögur ný hlaðvarpsviðtöl á heimasíðu sinni

Sölvi Tryggvason á fulla ferð að nýju – Birtir fjögur ný hlaðvarpsviðtöl á heimasíðu sinni
Fréttir
Í gær

Lést eftir umferðarslys í miðbæ Akureyrar

Lést eftir umferðarslys í miðbæ Akureyrar
Fréttir
Í gær

Gunnar vonsvikinn eftir fund um mál kennarans sem smánaði hann – „Þær sögðu að þetta væri ekki einelti heldur mistök“

Gunnar vonsvikinn eftir fund um mál kennarans sem smánaði hann – „Þær sögðu að þetta væri ekki einelti heldur mistök“
Fréttir
Fyrir 2 dögum

Sólveig Anna segir að Gabríel sé með sig á heilanum – „Aumkunarverður maður það skásta sem ég get sagt“

Sólveig Anna segir að Gabríel sé með sig á heilanum – „Aumkunarverður maður það skásta sem ég get sagt“
Fréttir
Fyrir 2 dögum

Gosstöðvarnar verða opnar í dag

Gosstöðvarnar verða opnar í dag
Fréttir
Fyrir 2 dögum

Undrabörnin áttu sviðið á Ólympíuskákmótinu – Heimsmeistarinn Magnus Carlsen gat ekki bjargað Norðmönnum frá ótrúlegum hörmungum

Undrabörnin áttu sviðið á Ólympíuskákmótinu – Heimsmeistarinn Magnus Carlsen gat ekki bjargað Norðmönnum frá ótrúlegum hörmungum
Fréttir
Fyrir 3 dögum

Útvarpsmaðurinn og rithöfundurinn Eiríkur Guðmundsson fallinn frá

Útvarpsmaðurinn og rithöfundurinn Eiríkur Guðmundsson fallinn frá