fbpx
Miðvikudagur 08.febrúar 2023
Fréttir

Breki segir að fleiri taki nú skyndilán og auki yfirdrátt – Segir stóru leigufélögin hafa reynt að sekta leigjendur

Kristján Kristjánsson
Fimmtudaginn 8. desember 2022 10:00

Breki Karlsson formaður Neytendasamtakanna. mynd/Fréttablaðið

Ekki missa af Helstu tíðindum dagsins í pósthólfið þitt

Lesa nánar

Breki Karlsson, formaður Neytendasamtakanna, segir samtökin vera að skoða leigusamninga sumra hagnaðardrifinna leigufélaga en þó ekki samning Ölmu. Alma íbúðarfélag hefur verið í fréttum að undanförnu eftir að það tilkynnti Brynju Bjarnadóttur, leigjanda, að húsaleiga hennar hækki úr 250.000 kr á mánuði í 325.000 kr vegna vísitölu- og vaxtahækkana.

Fréttablaðið skýrir frá þessu í dag.

Vísir skýrði frá því í gær að hagnaður Ölmu hafi verið 12,4 milljarðar á síðasta ári.

Á heimasíðu Ölmu kemur fram að félagið eigi tæplega 1.100 íbúðir á höfuðborgarsvæðinu og víða um land. Segir að hlutverk félagsins sé að fjárfesta í íbúðum, reka þær og leigja þær út til einstaklinga. „Stefna Ölmu er að bjóða viðskiptavinum sínum upp á öruggt og vandað leiguhúsnæði, hátt þjónustustig og sveigjanleika, í því skyni að gera leigumarkaðinn á Íslandi faglegri, fjölskylduvænni og traustari,“ segir einnig á heimasíðunni.

„Ég var nú búin að sætta mig við að geta ekki haldið jól vegna peningaleysis, en ég bjóst ekki við að ég færi á götuna líka,“ sagði Brynja í samtali við Fréttablaðið en hún er 65 ára sjúklingur og öryrki.

Breki sagðist ekki geta tjáð sig um mál Ölmu þar sem Neytendasamtökin hafi ekki skoðað fyrirtækið sérstaklega. Hann sagði að það séu ekki bara hækkanir sem samtökin eru að skoða, það séu einnig ýmis gjöld sem leigufélög leggja á leigjendur, gjöld sem eru ekki í samræmi við lög.

Hann sagði dæmi vera um að hótað hafi verið að rifta leigusamningi vegna upploginna vanefnda og að kostnaði vegna almenns viðhalds hafi verið velt yfir á leigjendur. „Leigusali getur ekki sektað leigutaka en það hefur verið reynt hjá stórum leigufélögum,“ sagði Breki einnig og bætti við: „Ég er mjög hugsi yfir því að okkur berast vísbendingar um að æ fleiri leiti nú í skyndilán, yfirdrátt, smálán eða fresti greiðslum.“

Hægt er að lesa nánar um málið í Fréttablaðinu í dag.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 18 klukkutímum

Skiptar skoðanir um slaufun Ivu Marín – „Ég myndi persónulega ekki vilja standa að því að útiloka fólk frá þátttöku í samfélaginu til að passa upp á einhverja PR-ímynd“ 

Skiptar skoðanir um slaufun Ivu Marín – „Ég myndi persónulega ekki vilja standa að því að útiloka fólk frá þátttöku í samfélaginu til að passa upp á einhverja PR-ímynd“ 
Fréttir
Fyrir 22 klukkutímum

Efling krefst þess að Aðalsteinn Leifsson víki

Efling krefst þess að Aðalsteinn Leifsson víki
Fréttir
Fyrir 22 klukkutímum

Tæmdi útstillingu Guðbrands tvisvar með sama grjótinu – Sýknaður af fyrri tilraun

Tæmdi útstillingu Guðbrands tvisvar með sama grjótinu – Sýknaður af fyrri tilraun
Fréttir
Í gær

Bjartsýnin dugði ekki til – Taj Mahal gjaldþrota og aðeins nokkrir tíu þúsund kallar fundust í búinu

Bjartsýnin dugði ekki til – Taj Mahal gjaldþrota og aðeins nokkrir tíu þúsund kallar fundust í búinu
Fréttir
Í gær

Segir að næstu sex mánuðir verði „afgerandi“ í stríðinu í Úkraínu

Segir að næstu sex mánuðir verði „afgerandi“ í stríðinu í Úkraínu
Fréttir
Fyrir 2 dögum

Skjálfti upp á 7,8 í Tyrklandi og Sýrlandi – 600 látnir

Skjálfti upp á 7,8 í Tyrklandi og Sýrlandi – 600 látnir
Fréttir
Fyrir 2 dögum

Grímuklæddur maður í skikkju gekk örna sinna á bíl Ragnars – Telur málið tengjast hatrömmum nágrannaerjum

Grímuklæddur maður í skikkju gekk örna sinna á bíl Ragnars – Telur málið tengjast hatrömmum nágrannaerjum