Í gær 20. júlí var sett grímuskylda og eins metra regla í Læknasetrinu í Mjódd, sem er ein stærsta læknastöðin í Reykjavík. Þar er aðallega sinnt sjúklingum með lyflæknisfræðileg vandamál eins og til dæmis hjartasjúkdóma, lungnasjúkdóma, innkirtlasjúkdóma og fleira. Allt eru þetta sjúkdómar sem geta aukið áhættu þeirra sem þá hafa við Covid sýkingu.
Sjúklingar þurfa að nota handspritt þegar þeir koma í nýtt herbergi á stöðinni og munu læknar og starfsfólk spritta hendur milli sjúklinga. Búnaður verður einnig sprittaður og þveginn eins og þarf.