fbpx
Laugardagur 11.júlí 2020
Fréttir

„Það eru allir hálf lamaðir yfir þessu“

Auður Ösp
Mánudaginn 29. júní 2020 12:27

Ljósmynd: Fréttablaðið/Vilhelm Gunnarsson. Myndin er úr safni og tengist efni fréttarinnar ekki beint.

Ekki missa af Helstu tíðindum dagsins í pósthólfið þitt

Lesa nánar

„Ég fór þarna uppeftir í gærkvöldi og prófaði að  stíga á malbikið í venjulegum skóm. Það er flughált, eins og svell. Þetta er bara stórhættulegt,“ segir Þorgerður Hoddó Guðmundsdóttir formaður Snigla bifhjólasamtaka í samtali við DV. Samtökin hafa efnt til mótmæla við húsnæði Vegagerðarinnar í Borgartúni á morgun en mótmælin snúa að hættulegum vegköflum á vegum landsins og verður úrbóta krafist.

Líkt og fram hefur komið þá létu tveir lífið eftir al­var­legan á­rekstur mótor­hjóls og hús­bíls á Vestur­lands­vegi á Kjalarnesi í gær. Þeir sem létust voru ökumaður og farþegi á bifhjólinu. Slysið átti sér stað á vegar­kafla á milli Grundar­hverfis á Kjalar­nesi og Hval­fjarðar­­ganga en þar var ný­lagt mal­bik sem reyndist vera nokkuð sleipt eftir rigningu.  Á dögunum kom þessi vegakafli  til umræðu í Facebookhópnum Kjalarnes, færð og veður. Margir meðlimir hópsins vöruðu við hversu sleipur vegurinn er og var vegakaflinn meðal annars  kallaður „dauðagildra.“

Tildrög slyssins eru nú til rannsóknar hjá lög­reglunni á höfuð­borgar­svæðinu og rann­sóknar­nefnd sam­göngu­slysa. Þá hefur Vegagerðin hafið úttekt á vegarkaflanum sem um ræðir og hyggst rannsaka hvað hefði betur mátt fara. Hluta Vesturlandsvegar verður lokað frá klukkan eitt í dag á meðan framhaldsrannsókn fer fram.

Mótmælin verða þögul

 Í tilkynningu á  facebooksíðu mómælanna segir:

 „Í ljósi atburðar sem kostaði mannslíf, erum við mótorhjólafólk búin að fá nóg
Við krefjumst þess að Vegagerðin á Íslandi muni þegar í stað gera úrbætur á þeim vegköflum sem skapa hafa mikla hættu víðsvegar um landið.

Með okkar dýpstu virðingu við aðstandendur, þá eigum við öll fjölskyldu og vini, við viljum ekki verða næst, og stærsta ferðahelgi ársins er framundan.

Mótmælin verða þögul en sterk, sýnum samstöðu í verki.“

Mótmælin munu fara fram kl 13, við skrifstofur Vegagerðarinnar í Borgartúni 5-7.

Titrandi tímasprengja

„Við höfum talað við Vegagerðina og Samgönguráðherra en það hefur bara ekki verið hlustað á okkur. Ég frétti í gær að fyrir nokkrum árum síðan varð banaslys á svona malbiki, á svona vegkafla. Mér var sagt að það hafi verið að minnsta kosti þrjú önnur slys,“ segir Þorgerður í samtali við DV. Hún segir það aðeins tímaspursmál hvenær næsta slys verði.

„Hvað næst? Við eigum fjölskyldu og vini og við viljum ekki verða næst. Það er landsmót bifhjólamanna næstu helgi. Margir sem fara frá Reykjavík og fara austur og enda svo landsmótið fyrir norðan.“

Hún segir meðlimi Sniglana í áfalli eftir fréttir gærdagsins. „Við trúum þessu ekki. Andrúmsloftið er ofboðslega þungt. Það eru allir hálf lamaðir yfir þessu.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

Fréttir
Í gær

Guðjón sekur um stórfelldan fjárdrátt – hafði 17 milljónir úr Björgunarfélagi Árborgar

Guðjón sekur um stórfelldan fjárdrátt – hafði 17 milljónir úr Björgunarfélagi Árborgar
Fréttir
Í gær

Dóttir Svandísar greind með heilaæxli – „Þetta er stærsta verkefni lífs míns.“

Dóttir Svandísar greind með heilaæxli – „Þetta er stærsta verkefni lífs míns.“
Fréttir
Í gær

Rektor Háskólans á Akureyri segir að húsin séu í góðu ástandi og Sigurður sé að ýkja

Rektor Háskólans á Akureyri segir að húsin séu í góðu ástandi og Sigurður sé að ýkja
Fréttir
Í gær

Brunaeftirlit HMS lagt niður og endurreist á Sauðárkróki

Brunaeftirlit HMS lagt niður og endurreist á Sauðárkróki
Fréttir
Fyrir 2 dögum

Mál lektorsins komið til ákærusviðs

Mál lektorsins komið til ákærusviðs
Fréttir
Fyrir 2 dögum

Segir Háskólann á Akureyri hafa svívirt minningu ömmu sinnar og afa

Segir Háskólann á Akureyri hafa svívirt minningu ömmu sinnar og afa